Zɔbu 24:13 - LAWA A BOO SONBORE

¹³ Sii baraa-zɛnaalin lɛn ba lɛ koe wɔlɔ fúlu ganaa wa. Ǹ ba a zii doɛ̃ wa, ǹ bin kɔ a zii lɛ wa.

LAWA A BOO SONBORE 2011

¹³ Sii baraa-zɛnaalin lɛn ba lɛ koe wɔlɔ fúlu ganaa wa. Ǹ ba a zii doɛ̃ wa, ǹ bin kɔ a zii lɛ wa.

Zɔbu 24:13 ပူးပေါင်းရင်းမြစ်များ

Kiin1 3:20

Bɛa lɔ lɛ na á yoo làanɛ, á ma toa nyuù ni, á maa nɛginin lɛ saa tán ma li, á naa tán a din kolo-n. Á tɔ́n a din wɔ gere lɛ naa tán ma kolo-n.

Zɔbu 24:12

Kiwi gɔ́ɔ̃ nɛ, minin manə n dinin didii, là paparɛɛ wolen manə n lɛ didii, Lawa dɔ ba n too koe ǹ nyankɔ li wa.

Zɔbu 24:14

Gɛ̀-dɛle lɛ n yui baayɛlɛ yiisoone, a nɔmaa-wɔle doobaa kɛ lɛ dɛ. Tèlò-n, a nə n din biɛ wurumu lɛa.

Zɔbu 24:16

Wurumu n kiɛnlɛ yiɛ wɔlɔ tì li. Bɛ̀ lɛ̀ waa, a n kiɛnlɛ tiɛ̃ a dinin lɛ, ǹ ba wɔlɔ fúlu doɛ̃ wa.

Zɔbu 38:13

màn mɛn bɛ́ toɛ a kanaa gùrùn kũ, a min baraan kɛn zuzuu a ǹ bɔ a ganaa?

Zɔbu 38:15

Sɛnɛ bɛ̀ lɛ̀ waa, min baraan laadoo na á ziziɛ̃. Ǹ sii kakaarɛ zɛnaa lɛ na á sàabaa.

Zɔbu 5:14

Ta lɛ̀ na á waa, ǹsɛn man wɔlɔ tì li. Ta penleen tiɛɛ̃n nɛ, ǹsɛn manə n gɔn tatalɛɛ ka tèlò ne.

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 12:40

«Lawa na á ǹ yiin tã, màn mɛn bɛ́ toɛ, ǹ baran wɔlɔ yɛ wa. Á ǹ yiri tã, màn mɛn bɛ́ toɛ, ǹ baran boo giala ma wa, màn mɛn bɛ́ toɛ, ǹ baran ǹ lɛ-mui sii kaa ǹ wusoo ǹ da masɛ Lawa li wa. Bɛ̀ maǹ kiɛ, bɛ̀ má ǹ busu nya!»

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Zaã a sɛ́wɔ 8:31

Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.