Zɔbu 24:12 - LAWA A BOO SONBORE

¹² Kiwi gɔ́ɔ̃ nɛ, minin manə n dinin didii, là paparɛɛ wolen manə n lɛ didii, Lawa dɔ ba n too koe ǹ nyankɔ li wa.

LAWA A BOO SONBORE 2011

¹² Kiwi gɔ́ɔ̃ nɛ, minin manə n dinin didii, là paparɛɛ wolen manə n lɛ didii, Lawa dɔ ba n too koe ǹ nyankɔ li wa.

Zɔbu 24:12 ပူးပေါင်းရင်းမြစ်များ

Siin Giala 4:10

Lawa tɔ́n pɛ nɛ: «Wàa mɛn sii n ke ń zɛnaa? N diɛ̃ lɛ mà tá n toɛ tán, n lɛ dii ma ganaa, mà ma asɛ a gɛ̀ dòo bɔ.

Zɔbu 24:11

Doobaan man nyɔɔ dí nyɛɛ min kɔsɔn bǎã nɛ, maǹ rezɛ̃ tɔtɔrɛ, mu boro dɔ nə́ ǹ ganaa.

Zɔbu 24:13

Sii baraa-zɛnaalin lɛn ba lɛ koe wɔlɔ fúlu ganaa wa. Ǹ ba a zii doɛ̃ wa, ǹ bin kɔ a zii lɛ wa.

Zɔbu 9:23

Bɛ̀ sii kaka din min dɛ bǎã goon ne, Lawa n yaa we zɛ̀rɛbaãnaan lɛn nɔmaa ganaa.

Zɔbu 9:24

Kanaa lɛ n min baraan gɔn. Lawa din nə n gɔn koe kiri-kurulin yii lɛ. Bɛ̀ a din bie wa, die kɔsɔ nɛ?

Loen 10:13

Wàa na á baa min baraa kɛ n Lawa diɛ yaa lɛa, á n pii mà sii kɔn ba boe a-n wa?

Loen 109:22

Man doobaa lɛa, má nɔmaa dɔn. Ma foo dɔ ziziɛ̃ ma gɔ́ɔ̃ nɛ.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Loen 69:26

Toa ǹ giã ǹ bǎã ziziɛ̃, min din baran goã ǹ kionən ne wa.

Bɔ bɛ̀rɛbaa nɛ 22:27

«Ka baran sɔ kɔ Lawa ganaa wa. Ka baran boo baraa dɔ da ka tɔrɔ minin nyɛɛnaandɛnaa kɔ́n ganaa wa.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Izayii 52:5

Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 12:2

Ń nə́ ǹ zumu, ǹ gòonən nə́ wɔ tán, ǹ nə́ gole kɔ ǹ nə́ nɛ kɔ. Ń tɔ nə ǹ lɛ-n biikoo yii li, sɛnɛ, ǹ foo wɔlɔ n sɔsɔɔ n ganaa.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Malakii 3:15

Wɔ́ dɔ̃ kanna kəni, din gole-kɔlen lɛn man ke ǹ foo n kɔɔ̃nɛ. Sii baraa-zɛnaalin lɛn man ke màndɛnan lɛa. Ta ǹ nə́ ga Lawa lɛ li, maǹ nə n boe a-n biikoo yii li.»

Piɛrɛ2 3:15

Ka dɔ̃ sonbore, mà Dɛnaa lɛ bɛ́ n foo kuĩ, á n lɔloɛ a daa lɛ li ke, mà ka dinin nyin a lɛa nɛ. Wɔ dɔɔ̃ngiĩ laanka wɔa giaáragiĩ Pooli na á sɛ́wɔ kiɛ̃, á dia ka la bɛ lɛ wɔ gɔn la, á kɔnpɛ ka sii-doɛ̃ kɛ nɛ Lawa kɔ la.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.