Zɔbu 24:1 - LAWA A BOO SONBORE

¹ Pàãyiidɛnaa bɛ́ re a kiri lɛ kuri lɛawaan mɛnɛn li, wàa na á baa, a bɛn bɔ á ǹ koa wa? Min mɛnɛn bɛ́ Lawa doɛ̃, wàa na á baa, bɛn ba tɔn a lɛawaan kɛn lɛn yii wa?

LAWA A BOO SONBORE 2011

¹ Pàãyiidɛnaa bɛ́ re a kiri lɛ kuri lɛawaan mɛnɛn li, wàa na á baa, a bɛn bɔ á ǹ koa wa? Min mɛnɛn bɛ́ Lawa doɛ̃, wàa na á baa, bɛn ba tɔn a lɛawaan kɛn lɛn yii wa?

Zɔbu 24:1 ပူးပေါင်းရင်းမြစ်များ

Siin Giala 18:17

Dɛnaa pɛ: «Ma bɛ́ re sii mɛn zɛnɛɛ, ma a re bɛ duri Abrahamu ganaa wa.

Siin Giala 7:4

A giala, kànaa ka lɛawaa sɔbaa, ma á re la kiɛ, yǎa lɛawaa pusi ka tèlò pusi ni. Ma màn yiikoonaa mɛn tumaa zɛnaa má da tán, ma á re bɛn tumaa papaɛ̃, ma bɔ kanaa.»

Zɔbu 15:20

Min baraan man fuu-n miɛ̃ kɛnɛn, yǎa ǹ woe giɛ̃. Ǹ lɛ̀ lɛ n kunu, dan nə la.

Loen 31:15

Sɛnɛ, masɛ nə n foo doɛ n din ganaa, Dɛnaa Lawa. Má pɛ: máa maa Lawa n ka n din ni.

Loen 36:10

Yiikoonaabaa lɛ a bɔ ǹ bǎã n ka n din ni, n din a wɔlɔ fúlu lɛ n toɛ wɔ yii á wɔlɔ yii.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Boo-laakalaali 3:17

Má pɛ ma din gɔ́ɔ̃-n máa: Lawa á re kiri kuri min pepere laanka min baraa la. A giala, sii tumaa laanka a waáraa nɛ, dí tumaa laanka a biikoo ne.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 60:22

Ǹ bii, ǹ kiɛɛrɛdɛnaa n die min duu goon (1 000) yii. Ǹ pàãwɛɛnaa á re tɔrɔ pàãdɛnaa biɛ. Masɛ Dɛnaa Lawa n die bɛ zɛnɛɛ fufuu, bɛ̀ a biikoo dɔ.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Sofonii 1:7

Ka n lɛ tã Dɛnaa Lawa yɔrɔ-a! A giala, a lɛawaa lɛ diri. Dɛnaa Lawa n die wúlu boe, a tiin yɔrɔ bɔ maa nɛ.

Matiə 24:38

A giala, mu gole lɛ laan bɛ̀ a da kanaa lɛ bii, minin man nə́ goã màn bibii, ǹ nə́ màn mimii, ǹ nə́ lɔn gɔgoɛ, ǹ nə́ ǹ nɛnyaanan koe giĩn la, yǎa Nowee a wɔ goo-n lɛ a pinaa.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Tesaloniki1 5:1

Dɔɔ̃nɔn lɛn, siin lɛn bɛ́ re n zɛnɛɛ ǹ mɛn waáraa, ka laadoo ba a ganaa min sɛ́wɔ dia ka la a na a biikoo pɛ ka-n wa.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Timote1 6:15

Biikoo mɛn nə n koa, Lawa á re toɛ a n din nyaa bɛa biikoo li. Lawa a sii tumaa lɛ n piɛ̃ nɛ, boo sii la wole goon toto ne, kiin Kii ni, dɛnan Dɛnaa nɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.