Zɔbu 23:13 - LAWA A BOO SONBORE

¹³ Sɛnɛ, asɛ bɛ́ á golee goon la, die n boe la a bɔyaa? Sii mɛn bɛ́ kɔɔ̃n a din ganaa, bɛ nə n zɛnɛɛ.

LAWA A BOO SONBORE 2011

¹³ Sɛnɛ, asɛ bɛ́ á golee goon la, die n boe la a bɔyaa? Sii mɛn bɛ́ kɔɔ̃n a din ganaa, bɛ nə n zɛnɛɛ.

Zɔbu 23:13 ပူးပေါင်းရင်းမြစ်များ

Zɔbu 10:13

Sɛnɛ, sii mɛn goã durii ni n gɔ́ɔ̃ nɛ, a din lɛ n ke. Sii mɛn goã n taasiɛ nɛ, ma á doɛ̃:

Zɔbu 10:7

N din dɔ n doɛ̃, mà ma sii la wa, min kɔn dɔ din ba re yii, a ma si n la wa.

Zɔbu 11:10

Bɛ̀ Lawa tele min ganaa, á kũ á da kòso-n, bɛ̀ á bɔ á kiri we a ganaa, die n kurii?

Zɔbu 12:14

Bɛ̀ Lawa màn mɛn wuru, min ba boe la a dɔ wa, bɛ̀ á min lɛ tã, min ba boe la a bɔ a da wa.

Zɔbu 23:12

A lɛ gɔ́ɔ̃ ǹ boo ke, ma talaa má n bɔ bɛ la wa. A din a dí-pɛn kɛn, má bɛn sii zɛnaa á la ma din foo sii ni.

Zɔbu 23:14

Bɛ lɛ nɛ, a sii mɛn yɔrɔ bɔ maa wɔ paǹ li, a n die bɛ zɛnɛɛ. A gigiã kɔsɔn dɔn dinin tan, a nə́ n yii diɛ ma la ka bɛn nɛ.

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Loen 135:6

Sii mɛn tumaa bɛ́ kɔɔ̃n Dɛnaa Lawa ganaa, a n bɛ zɛnɛɛ, lon ka kanaa gɔ́ɔ̃ nɛ, kɔ̀ mu li, mu zuzulu tumaa giulun.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Boo-laakalaali 1:15

Màn mɛn bɛ́ pusii ni, bɛ ba boe la a n tele wa. Màn mɛn bɛ́ a banban, bɛ ba boe la a n nimi wa.

Boo-laakalaali 3:14

Má dɔ̃, máa Lawa bɛ́ sii mɛn tumaa zɛnɛɛ, bɛ n bele-boe yǎa duduu. Màn kɔn ba n diɛ li doɛ̃ wa, màn kɔn ba n boe lɛ doɛ̃ wa. Lawa n bɛ zɛnɛɛ, màn mɛn bɛ́ toɛ ǹ nyɛ́ɛ baa asɛ yii ni.

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Izayii 46:11

Man giĩ goon bíi we tiãlɛa, sɔsɔɔ, lɛ̀giala-n. Pàã ná a lon ka giogialatã-a bɛ́ lɔn. Ma siin mɛnɛn koa ma yɔrɔ-a, a din nə die bɛn zɛnɛɛ. Ma boo mɛn da, man bɛ zɛnɛɛ. Ma sii mɛn koa ma yɔrɔ-a, man bɛ zɛnɛɛ.

Rɔmu minin 9:19

Kɔntan min tá re pii: «Lawa n wàa mɛn zɛ̀rɛ koɛ minin ganaa doo kəni? A giala, die n boe la a n piã ka a dùũ ni?»

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.