Zɔbu 21:14 - LAWA A BOO SONBORE

¹⁴ A da yaa, ǹ dinin lɛn man pii Lawa nɛ: «Wɔ toa kiĩni. Wɔ ba li wɔ n zii kɛ dɔ̃ wa.

LAWA A BOO SONBORE 2011

¹⁴ A da yaa, ǹ dinin lɛn man pii Lawa nɛ: «Wɔ toa kiĩni. Wɔ ba li wɔ n zii kɛ dɔ̃ wa.

Zɔbu 21:14 ပူးပေါင်းရင်းမြစ်များ

Zɔbu 22:17

Ǹsɛn mɛnɛn nə goã pii Lawa-n kɛnɛn: «N bɔ wɔ wɔlɔ li. Pàãyiidɛnaa n boe la a wàa zɛnaa wɔ nɛ?»

Zɔbu 34:27

A giala, ǹ nə́ n piã ka Lawa nɛ, ǹ ba li ǹ na a sii kɔn din dɔ̃ wa.

Zɔbu 35:10

Sɛnɛ, min kɔn ba giɛ Lawa li wa, asɛ mɛn bɛ́ á ǹ zɛnaa, á n foo kɔɔ̃n-baa ǹ loe we ǹ lɛ-n tèlò-n.

Loen 10:11

A n taasɛ mà Lawa yiri n boe, mà a giɛ kɛ ganaa wa, mà a yii ba kɛ ganaa wa.

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 95:10

Ka digolon zaman lɛ ma foo busu yǎa lɛ̀ pusi. Bɛ lɛ nɛ, má pɛ: Kɛa tɔrɔ kɛ yiri nə́ n si la, a ba ma dùũ sii doɛ̃ wa.

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Suusun 1:29

Bɛ n die n zɛnɛɛ a giala ka n piã ka doɛ̃ nɛ, ka n piã ka nyɛ́ɛbaa Dɛnaa Lawa yii n ni.

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Izayii 30:11

Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Abakuku 1:15

Baabilonii minin man minin kuĩ ka koɛ̀ɛ̃n nɛ ka zɔ̀ bɛ́ lɔn. Maǹ die ǹ nɛ zɔ̀ɔ nɛ, ka kokoo ne, a n foo kɔɔ̃n gole lɛa ǹ ganaa.

Luku 8:28

A bɛ́ á Yezu yɛ, á kaa tán-a a giulun. Á n lɛ dɛ ka kɔsɛkɔsɛ, á tɔ́n pɛ ka lɛn gole ne kɛnɛn: «Yezu, Lawa Gole a Nɛ, n wàa mɛn sii n masɛ a sii ni? Masɛ nə n nyankoe n baran dɔlɔ bɔ masɛ ganaa wa.»

Luku 8:37

Bɛ lɛ a lɛa nɛ, nyɛ́ɛ bɛa gána lɛ a minin kũ parsiini. Ǹ ná a nyankɔ Yezu lon, mà a woo a n bɔ ǹsɛn bǎã nɛ. Yezu wɔ mu kuru ǹ goo ne á woo.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.