Zɔbu 20:19 - LAWA A BOO SONBORE

¹⁹ A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.

LAWA A BOO SONBORE 2011

¹⁹ A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.

Zɔbu 20:19 ပူးပေါင်းရင်းမြစ်များ

Kiin1 21:19

N die n pɛ nɛ: Dɛnaa Lawa mà n gɛ̀ dɛ ń nya, a nə n gɔ́ɔ̃ dɔ nɛ, n na a màn kũ n si n baa n wɔ lɛa? Bɛ lɛ nɛ, n die n pɛ-n kɛnɛn: «Ginin nə goã ǹ nə́ Naabɔti mà piã tán bǎã mɛn nɛ, a din bǎã lɛ nɛ, ǹ tá re n dɔ wɔ kɛ lɛ piɛ̃ a nɛ.»

Zɔbu 18:15

Min kɔsɔ n giɛ̃ a kion kɛ nɛ, bɛ ba a wɔ lɛa doo wa. Ǹ tá re kiribi pɛsɛ̃ a gɔn màn tumaa la.

Zɔbu 22:6

A giala, ma nə́ ń goã là boe n dɔɔ̃nɔn la kooro, bɛ̀ n nə ǹ mɔnaa kũ n si ǹ la, n nə ǹ gɔ̀nɔn kooro da bii-a.

Zɔbu 35:9

Bɛ̀ fuu la minbuiinin yii ni, maǹ gini. Bɛ̀ goledɛnan tá boe ǹ yii ni, maǹ nə n lɛ dii.

Loen 10:18

N din nə sonbore koe nɛ toen la, ka ǹ bɛ́ fuu nyɛɛ min mɛn dɔ nɛ. Bɛ lɛ n die toɛ minbuiin nɛ kooro kɔn ba re boe ǹ miã yii-n doo kanaa kɛ-n wa.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 12:6

Bɛ lɛ nɛ Dɛnaa Lawa pɛ: Masɛ n die yui, ma daa. Ǹ bɛ́ boe nɔmaa-wɔlen kɛn yii-n miɛ̃, doobaan kɛn nə ginii we, man die yui. Ǹ bɛ́ sɛ̀ kiɛ min mɛnɛn ganaa ke, masɛ n die yui kanna kəni, ma bɛn si sii la.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Busii pɛ 3:34

Bɛ̀ n tɔtɔrɔ gána goon a kòso nɛn tumaa la, Dɛnaa Lawa yii ba a ganaa wa?

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Amɔɔsi 5:12

Ma á doɛ̃, kaa piã ǹ siin nə́ la yii ni, kaa sii baraan tá mɔnaa nɛ. Ka n mɛnɛɛ min peperen la. Ka n lɛ pii ǹ mànan sii, ka n nɔmaa-wɔlen sonbore bɔyɛɛ, kiri wɔ ǹ bǎã nɛ.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Misee 2:9

Lɔn kɛn, maa zaman lɛ wɔn lɛa, kionən mɛnɛn bɛ́ kɔɔ̃n bɛn ganaa, ka nə ǹ lui ǹ boe bɛn nɛ. Ǹ nɛnyaanan kɛn, ká maa bǐɛ̃ kurəə bɛn ganaa duduu.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Zaaki 2:6

Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.