Zɔbu 20:17 - LAWA A BOO SONBORE

¹⁷ A ba re zoo nyɔɔ yii ka a yii-n baa sii tán ka yìsi mu gole bɛ́ lɔn wa, a bɔ̀nyaa yɛ baa sii tán ka tà mu bɛ́ lɔn wa.

LAWA A BOO SONBORE 2011

¹⁷ A ba re zoo nyɔɔ yii ka a yii-n baa sii tán ka yìsi mu gole bɛ́ lɔn wa, a bɔ̀nyaa yɛ baa sii tán ka tà mu bɛ́ lɔn wa.

Zɔbu 20:17 ပူးပေါင်းရင်းမြစ်များ

Siin Giala 18:8

Siĩ lɛ bɛ á ma, Abrahamu saa á woo koa tán ǹ giulun. Á woo ka bɔ̀nyaa guguru laanka bɔ̀nyaa fu dɔ nɛ. Á màn-bii kɔ ǹ la, á golee ǹ li da lɛ giulun, ǹ nə́ màn bii.

Samayeli2 17:29

ka zoo nyɔɔ nɛ, ka bɔ̀nyaa guguru ni, ka diin nàari ni ka sèren ne. Davida laanka zaman mɛn lɛ goã kun, maǹ nə́ woo bɛ tumaa kɔ ǹ la màn-bii lɛa, a giala, maǹ nə́ goã taasɛ mà zaman lɛ nɔmaa, mà bòo laanka mu boro dɔ́ bɔ ǹ yii ni.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Zɔbu 29:6

Man má goã n gòã pii nàari li, má goã nyɔɔ gigiã yii.

Loen 81:16

Min mɛnɛn bɛ́ Dɛnaa Lawa biɛ zɔ́ɔ, bɛn tá re die a gòã kuĩ, a giala, mà ǹ dɔn biikoo na á kiɛ̃ kəni ka lenlen, yǎa duduu.

Izayii 36:17

Bɛ kio, ma á re miɛ ka nyɛɛnɛ ma wo ka nɛ gána kɔsɔ nɛ, ka kaa wɔ kɛ bɛ́ lɔn, gána mɛn bɛ́ *belee laanka *rezɛ̃ da n bǐɛ̃ koe a nɛ, buuru laanka duvɛ̃ ná a nɛ.

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Izayii 7:15

Maǹ die toe ka nàari laanka zoo nyɔɔ nɛ, yǎa a sii baraa laanka sii sonbore bɔ kɔnlɛ doɛ̃.

Izayii 7:22

Ǹ nyɔ mu n die mɔnɛɛ taãn-taãnɛ, yǎa ǹ na a nàari biɛ màn-bii lɛa. Min mɛn tumaa goã gána lɛ nɛ, bɛn tá re n dinin toe ka nàari laanka zoo nyɔɔ nɛ.

Luku 16:24

Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.