Zɔbu 2:13 - LAWA A BOO SONBORE

¹³ Ǹ nə́ giã tán Zɔbu li lɛawaa sɔbaa ka tèlò sɔbaa, boo goon ná a ba n diɛ ǹ la wa. A giala, ǹ nə́ yɛ mà Zɔbu a là-paparɛɛ lɛ gole kɔ, á la yii ni.

LAWA A BOO SONBORE 2011

¹³ Ǹ nə́ giã tán Zɔbu li lɛawaa sɔbaa ka tèlò sɔbaa, boo goon ná a ba n diɛ ǹ la wa. A giala, ǹ nə́ yɛ mà Zɔbu a là-paparɛɛ lɛ gole kɔ, á la yii ni.

Zɔbu 2:13 ပူးပေါင်းရင်းမြစ်များ

Siin Giala 1:5

Á wɔlɔ fúlu bíi "Lɛawaa", á wɔlɔ tì bíi "Tèlò". Wasamiɛ̃n yɛ, baayɛlɛ dɔ́ yɛ. Lɛawaa bibinaa nə ka bɛ nɛ.

Siin Giala 1:8

Á gèlè lɛ bíi "Lon". Wasamiɛ̃n yɛ, baayɛlɛ dɔ́ yɛ. A lɛawaa paabaa ǹ wɔ n ka bɛ nɛ.

Siin Giala 50:10

Ǹ bɛ́ ǹ nə́ dɔ nyan bǎã kɔ́n nɛ, Ataadi kiwi Zurdɛ̃ tà kio, ǹ nə́ gɛ̀ wuu pɛ walan, ǹ nə́ n lɛ dɛ kɔsɛkɔsɛ. Zozɛfu nə́ n di a gɛ̀ koa, yǎa lɛawaa sɔbaa.

Ɛsidrasi 9:3

Ma bɛ́ má bɛ ma, má maa mɔnaan kũ má ǹ tɔtoɛ̃, má ma mìi ka laanka ma lɛtoro ka kũ má wɔ̃woɛ̃, má giã tán ma foo ń busii ni.

Nehemii 1:4

Ma bɛ́ má bɛa boon kɛn lɛn ma, ma foo ziziɛ̃, má giã tán, má wuu pɛ lɛawaa damata gɔ́ɔ̃ nɛ. Bɛ kio, má n lɛ sɔɔ má lon a Lawa nyankɔ.

Zɔbu 3:1

Bɛ kio, Zɔbu tɔ́n nə n lɛ bũ, á lɛn baraa da a din a yɛ pinaa li.

Zɔbu 4:2

«Maa boo-diɛ baran n nɔmaa wa, sɛnɛ, man ma a boe la, man lɛ tã wa. A si n ganaa n nə n too kɔ ma lon. A ke:

Loen 77:4

Bɛ̀ má n yiri kɔ ka Lawa-n lɔn gɔrɔ, man gini, bɛ̀ má n taasɛ lɔn gɔrɔ, ma gù n giɛ̃. *Doa.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Ezekieli 3:15

Má dɔ goa-wolen lɛn li Tɛl-Abibu. Maǹ nə́ goã giã-n Kebaara tà lɛ-a. Má giã kunun ǹ ni walan ma lɛawaa sɔbaa, boo din ná a n diɛ ma la wa.