Zɔbu 2:10 - LAWA A BOO SONBORE

¹⁰ Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

LAWA A BOO SONBORE 2011

¹⁰ Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

Zɔbu 2:10 ပူးပေါင်းရင်းမြစ်များ

Siin Giala 3:17

Bɛ kio á tɔ́n pɛ giĩ ni: «Ma bɛ́ má pɛ má laa n ganaa, máa n baran da mɛn a nɛ bii wa, n bɛ́ ń nə́ n saa n lɔ a boo li ń bii, man die lɛn pipiã bíi tán li, n din lɛ taman yii. N yiikoonaabaa gɔ́ɔ̃ nɛ, n la n die paparɛ n tɔn nə n lɛ-a ǹ bii yɛ a nɛ.

Samayeli2 13:13

Masɛ n die yui man dɔ maa ka bɛa sìi kɛ nɛ. Maǹ die giɛ n din kɛ dɔ ganaa min kɔrɔ lɛa Izirayeli gána nɛ. Sabara baa n boo da ka kii ni. Ma á waa-n la, máa a ba re n piɛ̃, mà a ba ma koe n la lɔ lɛa wa.»

Samayeli2 19:22

Seruzaa a nɛgiĩ Abisayii nə́ n zɔ̃ á dɔ á pɛ: «Ka ǹ die Simeyii toɛ walan bɛ lɛ sɛ a lɛa, ka n ka a dii wa? A da yaa, Dɛnaa Lawa min mɛn bɔ á koa kii lɛa, á lɛn baraa bíi bɛ li.»

Samayeli2 19:28

Maa dí-nyali lɛ na á daa ma pɔpɔsɛ maa dɛnaagiĩ kii li. Sɛnɛ, maa dɛnaagiĩ kii n goon ka lon a dia dí-a wole ne. Sii mɛn bɛ́ kɔɔ̃n a din ganaa, a n bɛ zɛnɛɛ.

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Zɔbu 1:10

N din bɛ́ n nə n kɔ Zɔbu paǹ tumaa lɛ, bɛ lɛ bie wa? A din ni, a kion ne, ka a gɔn màn tumaa nɛ, n bɛ́ ń bɛ tamaa, bɛ lɛ a lɛa bie wa? N din ni ń barka da a nya ǹ dí ganaa. A tɔɔn nə́ ke wɔlɔ yii-n sababa gána lɛ gɔ́ɔ̃ nɛ.

Zɔbu 2:9

Zɔbu a lɔ tɔ́n pɛ nɛ: «Ma n tɔn tán mà peperebaa nɛ n tá a gɔ́ɔ̃ nɛ? Boo baraa da Lawa lɛ ganaa n gã gɔrɔ, bɛ á soɛ kɛ nɛ.»

Loen 39:1

LOE kɛ n boe loe-saalin goledɛnaa Yedutun a sɛ́wɔ nɛ. Davida a loe ne.

Loen 39:10

Sisia kəni, masɛ nə́ n lɛ tã, ma a n lɛ buĩ doo wa. A giala, n din nə die n wɔ nyɛɛ.

Loen 39:9

Ma si maa sii baraan kɛn la, n nyan ma kɔ baãnaanan kɛn la, ǹ sɔ kɔ ma-a wa.

Loen 59:12

N baran ǹ dɛ n nə ǹ yɔyɔrɛ sisia wa. Bɛ bie wa, ma tɔrɔ minin kɛn yiri á re boe n gɔ̀lɔ̀baa kɛ nɛ. Dɛnaa, n din nə wɔa goóro lɛa. Bìn da ǹ ganaa ka pàã gole ne, n toa ǹ mɛnaa.

Suusun 9:13

Baãnaabaa n ka lɔ boo-woɛ̃li bɛ́ lɔn, a ná a sii kɔn giala miɛ wa.

Suusun 9:6

Ka baãnaabaa toa walan, ka á re yiikoonaabaa yii. Ka yiridɛnaabaa ǹ zii saa.»

Boo-laakalaali 7:14

Nyɛnyɛɛ biikoo li, n nyɛnyɛɛ. Nɔmaa biikoo li, n taasɛ. Lawa bɛ́ á yii-nyɛɛ lɛ zɛnaa lɔn, a na á nɔmaa lɛ dɔ zɛnaa miɛ̃, màn mɛn bɛ́ toɛ, minbuiinin baran ǹ dinin biɛ̃ ǹ sii kɔn dɔ̃ wa.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Matiə 16:23

Yezu tɔ́n nə n bɔyaa á pɛ Piɛrɛ nɛ: «N *Sɛtaan kɛ nə n tan n nə n bɔ masɛ kio! Masɛ sã ǹ gɔn nə ke n tá giɛ li. A giala, n taasiɛ laanka Lawa wɔ a goon wa, minbuiinin taasiɛ nə n lon.»

Matiə 25:2

Ǹ min sooro n baãnaan lɛa, sooro kɛ dɔ n yiridɛnan lɛa.

Zaã a sɛ́wɔ 18:11

Yezu tɔ́n pɛ Piɛrɛ nɛ: «N gɔya lɛ wɔ a kii ni! Maa Díi nɔmaa mɛn kɔ ma la, ma n taasɛ mà maa die lɛ koe bɛ-a wa?»

Rɔmu minin 12:12

Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.

Samayeli1 3:18

Bɛ kio, Samayeli boo lɛ yii laakalaa nɛ, a ǹ kɔn duru la wa. Elii tɔ́n pɛ: «N din ni Dɛnaa Lawa lɛa, sii mɛn bɛ siĩni n din yii li, n die n bɛ zɛnaa.»