Zɔbu 16:11 - LAWA A BOO SONBORE

¹¹ Lawa na á ma kɔ min kɔkɔrɔn la, a din na á ma kɔ min baraan la.

LAWA A BOO SONBORE 2011

¹¹ Lawa na á ma kɔ min kɔkɔrɔn la, a din na á ma kɔ min baraan la.

Zɔbu 16:11 ပူးပေါင်းရင်းမြစ်များ

Zɔbu 10:3

Fuu ke ń nyɛɛ ma-n kɛnɛn, bɛ lɛ n kɔɔ̃nɛ n ganaa? N din gɔn màn mɛn zɛnaa, ń bɛ tii, n barka wɔ min baraan zɛnaa ǹ sii ni, bɛ lɛ n kɔɔ̃nɛ n ganaa?

Zɔbu 16:10

Minin manə n lɛ tii ma li banabana. Maǹ nə́ n gɔn toe ma para-n, bɛ̀ ǹ sɔ kɔ ma-a, manə n lɛ soekɔn, bɛ̀ ǹ yoo ma gialaa.

Zɔbu 16:12

Man má goã là nyantoro la, sɛnɛ, Lawa daa maa sii lɔlɔkɔn. A ma nyɛnaa ma dungiala ganaa, á ma zũ. Á wusoo á ma saa á ma da lon, bɛ̀ a n gɔn nyin pepere kɔ ma ganaa.

Zɔbu 19:22

Wàa na á baa ka dɔn tá ma gialaa kɛnɛn, ka Lawa wɔ bɛ́ lɔn? Ka bɛ́ ma pɔpɔsɛ, bɛ tɔn dɔ ka yii li wa?

Zɔbu 19:6

Haayii. Ka dɔ̃ mà Lawa din na á wɔ ma lon. Ka dɔ̃ mà a din na á na a zɔ̀ɔ kɔ ma nɛ.

Zɔbu 2:7

Zɔ́ɔ Sɛtaan bɛa boo lɛ ma lɔn, á kiɛ̃ á n bɔ Dɛnaa Lawa yɔrɔ-a. A dɔ na á woo gɔrɔ, á gɔ̀nɔn ki busu babaraa da Zɔbu ganaa. A saa a gòãn ganaa a wo a baãbii yaa, a tumaa baayɛrɛ.

Zɔbu 27:2

– Lawa lɛ n ma nui ka sonbore ne, Pàãyiidɛnaa lɛ n ma foo ziziɛ̃. Ka bɛa Lawa yiikoonaa kɛ lɛ tɔ nɛ,

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Zɔbu 9:24

Kanaa lɛ n min baraan gɔn. Lawa din nə n gɔn koe kiri-kurulin yii lɛ. Bɛ̀ a din bie wa, die kɔsɔ nɛ?

Loen 27:12

N baran ma baa maa zɔ́ɔn kɛn màn-bii lɛa wa. A giala, siére soɛ-bɔlen nə́ yoo ma gialaa, ǹ nə́ zoɛ̃ mà ǹ ma nyɛɛ ka ǹ kakaarɛbaa nɛ.

Loen 31:8

Foo kɔɔ̃nbaa gɔ́ɔ̃ nɛ, manə n nyɛnyɛɛ, n din a kɔn-narɛɛ gole kɛ taman yii. A giala, n bɛ́ ń maa nɔmaa yɛ, ń maa fuu gole kɛ dɔ̃,

Loen 7:14

A na a gɛ̀-dɛ ǹ mànan yɔrɔ boe, a nə ǹ yɔrɔ boe ka kiɛ tɛdɛnan nɛ.

Zaã a sɛ́wɔ 19:16

Bɛa biikoo li, Pilati Yezu kɔ ǹ la mà ǹ wo dere gɔn ganaa. Ǹ nə́ nɔmaa ǹ nə́ Yezu kũ.

Rɔmu minin 11:32

Lawa na á min din tumaa baa ka kòso nɛn bɛ́ lɔn, ǹ bɔlɔ-tii a lɛa. A na á bɛ zɛnaa, màn mɛn bɛ́ toɛ, a makara bɔ min tumaa ganaa.

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Samayeli1 24:18

Á pɛ Davida nɛ: «N tá pepere ń la masɛ nɛ, a giala, ń bǐɛ̃ zɛnaa ma nɛ, a da yaa, masɛ sii baraa zɛnaa n nɛ.