Zɔbu 14:12 - LAWA A BOO SONBORE

¹² A n miɛ̃, min ba giɛ̃ a wusoo a yoo wa. Bɛ̀ ń geren yaa yui, bɛ̀ ń nə ǹ yii yaa kiɛ n boe nyuù kɛ nɛ, yǎa tan bɛ̀ lon banban doo wa.

LAWA A BOO SONBORE 2011

¹² A n miɛ̃, min ba giɛ̃ a wusoo a yoo wa. Bɛ̀ ń geren yaa yui, bɛ̀ ń nə ǹ yii yaa kiɛ n boe nyuù kɛ nɛ, yǎa tan bɛ̀ lon banban doo wa.

Zɔbu 14:12 ပူးပေါင်းရင်းမြစ်များ

Zɔbu 3:13

Bɛ̀ man má gã lɛlɛ, bɛ̀ ma bɛ́ là nyantoro la kanna. Bɛ̀ man nyuù we kanna, n susui,

Zɔbu 30:23

Ma á doɛ̃ máa, n tá re wusii n da ma kɔ gɛ̀ la, yiikoonaan tumaa a woo ǹ bǎã ke.

Zɔbu 7:21

N ba boe la n maa sii baraa toa ma-n wa? N ba boe la n kiɛ̃ maa sã la wa? A giala, kànaa ka boɛɛn nɛ, ma á re wɛɛ tán tii li. N tá re giɛ ma li, sɛnɛ ma a re goɛ̃ ma tan wa.»

Zɔbu 7:9

Labara n sasawɛɛ a papaã. Min mɛn dɔ bɛ́ woe geren piɛ, a n miɛ̃, a bie woe á n bɔyɛɛ wa.

Loen 102:26

N din nə ń kanaa kɛ zɛnaa lɛlɛ-lɛlɛ, n din gɔn a màn zɛnaa n ka lon kɛ dɔ nɛ.

Loen 90:5

N din nə minbuiinin nyin nyɛɛ. A n nyɛɛ ka baayɛlɛ a narɛɛ á ke lɔn. Maǹ ka buu bɛ́ lɔn boe tán.

Boo-laakalaali 11:8

Bɛ lɛ n ke, bɛ̀ min yii á koo lɛ̀ didi gɔ́ɔ̃ nɛ, a doamaa nɛ, a n nyɛnyɛɛ bɛa lɛ̀n kɛn lɛn tumaa gɔ́ɔ̃ nɛ, a n yiri dɔ kɔ, mà lɛawaa kakan tá mɔnaa nɛ, mà sii mɛn yii bɛ́ die, mà yii ba doe a-n wa.

Boo-laakalaali 12:5

Bɛa biikoo li, tenten a dii tá re nyɛ́ɛ diɛ, zii tɔ we tá re gɔ́ɔ̃ woɛ̃, bɛ á zɛnɛɛ kəni, bɛ̀ da kɛ́ buũ kɔ fu panpan, bisin kɛ ń guguru a din-a, sii kɔn din ná a là kakaɛ̃ diɛ doo wa. Sonbore, ǹ kɔn pinaa minbuiin nɛ gogoonmaa n die woe, piɛ duduu. Ziin la, wuu-pɛlen dɔn man nə n bibiĩ, ǹ nə́ n yii diɛ bɛa biikoo kɛ lɛ la.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Rɔmu minin 8:20

Kanaa màn din tumaa na a gialaa ziziɛ̃. A din a sii baraa a lɛa bie wa, a giala, Lawa na á ná a dɔ da minbuiin nɛ a dɔlɔ lɛ nɛ. Sɛnɛ, Lawa wusoo á foo-doa kɔ a din a da ǹ màn kɛ la.

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 21:1

Má tɔ́n lon dii laanka tán dii yɛ. Lon zizi kɛ laanka tán zizi kɛ papaã, yìsi mu gole dɔ din banban doo wa.