Zɔbu 12:15 - LAWA A BOO SONBORE

¹⁵ Bɛ̀ á la kurəə, lɛ̀ gere n koe, bɛ̀ á n gɔn bɔ-a, mu n basaã koe tán nɛ.

LAWA A BOO SONBORE 2011

¹⁵ Bɛ̀ á la kurəə, lɛ̀ gere n koe, bɛ̀ á n gɔn bɔ-a, mu n basaã koe tán nɛ.

Zɔbu 12:15 ပူးပေါင်းရင်းမြစ်များ

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

Siin Giala 6:17

Man die die ka bɔ̀n da ǹ mu gole-n tán, ma màn yiikoonaa tumaa bɔ̀n baa nɛ. Màn woo màn tán la, ǹ tumaa á re giɛ̃.

Siin Giala 7:11

Nowee a yɛ lɛ̀ biɛsɔrɔ, mui paabaa ǹ wɔ a lɛawaa fulusɔbaabaa ǹ wɔ pinaa, tán giulun mu gole nə́ n da wɔlɔ la, lon a mu dɔǹɔn nə́ n bũ dadara bɛ lɛ a pinaa.

Siin Giala 8:1

Lawa nə́ n yiri koa Nowee li. Don mànan laanka piɛ mànan mɛnɛn dɔn nə goã kun ni goo lɛ nɛ, á n yiri koa ǹ dɔn li. Bɛ lɛ nɛ, á piɛ̃ bɔ, mu lɛ ná a giala kɔ á gisĩ.

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 17:7

Biikoo kɔn daa á dɔ, mu zii lɛ a mu piɛ̃, a giala la goã kiɛ gána lɛ-n wa.

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Zɔbu 28:25

A bɛ́ pàã yɔrɔ boe koe piɛ̃ la ǹ mɛn waáraa, á n mu a mɔnaa lɛ dan zoɛ̃ koɛ,

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Amɔɔsi 5:8

A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Luku 4:25

Man pii ka-n taãn-taãnɛ, Lawa a boo gii-dali Yilii a biikoo li, la bɛ́ n piɛ̃ lɛ̀ sɔɔ ka mui sɔrɔ a ná a kiɛ wa, bòo wɔ, lɔ giɔɔrɔ goã mɔnaa-n Izirayeli gána nɛ.

Timəə dí-pɛn 11:17

Bɛ̀ ká bɛ zɛnaa, Dɛnaa Lawa foo n die yui ka li. A n die lɛ̀ gere koe, la ná a kiɛ doo tán nə́ bǐɛ̃ koe wa. Ka n nɔmiɛ̃ ka papaã ka n bɔ gána kɛ lɛ n fufuu, Dɛnaa Lawa n die koe ka la.

Sii-nyaan 11:6

Pàã tá ǹ lon ǹ nə́ boe la ǹ lon lɛ tã, la ná a doɛ tán ǹ Lawa a dí-pɛ ǹ biikoo kɛ li wa. Pàã tá ǹ lon ǹ nə́ boe la ǹ mu tumaa bɔyaa ǹ baa mà lɛa. Bɛ̀ ǹ nə́ golee li, ǹ tá boe la ǹ koe tɔrɔ tumaa bɔ tán ganaa.