Zɔbu 12:13 - LAWA A BOO SONBORE

¹³ Sɛnɛ, sii-doɛ̃ laanka pàã n Lawa nɛ. Sii giala ma laanka yiri na a din wɔ lɛa.

LAWA A BOO SONBORE 2011

¹³ Sɛnɛ, sii-doɛ̃ laanka pàã n Lawa nɛ. Sii giala ma laanka yiri na a din wɔ lɛa.

Zɔbu 12:13 ပူးပေါင်းရင်းမြစ်များ

Zɔbu 11:6

Toa bɛ̀ a na a sii-doɛ̃ a zii duriin kɛn nyɛɛ n nɛ. A giala, bɛn giala miɛ á kaka wɔ ganaa. Bɛ̀ ń bɛn woo ǹ bǎã dɔ̃, n tá re doɛ̃ kəni, mà Lawa nə n tɛn toɛ n nɛ.

Zɔbu 12:16

Boo sii la laanka yiridɛnaabaa na a din wɔ lɛa. Ǹ bɛ́ ǹ nə́ min mɛn yiri sã, ka min mɛn dɔ din bɛ́ á n din sã, ǹ tumaa a sii n Lawa gɔn.

Zɔbu 26:12

A din pàã n boe kɔ̀ mu la, a yiridɛnaabaa n mu li ǹ màn babaraa kɛ yɔyɔrɛ.

Zɔbu 36:5

Lawa n Pàãyiidɛnaa lɛa, a ba n la boe min kɔn ganaa wa! Pàã na a lon, bɛ̀ á golee sii mɛn li bɛ a sàabiɛ wa.

Zɔbu 38:36

Die na á yiri kɔ kən la, mà la á re kiɛ? Die na á yiri kɔ koo sa la, ma la á re nyɛɛ?

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 147:5

Wɔa Dɛnaa lɛ á gole, Pàãyiidɛnaa nɛ. A sii-doɛ̃ kɛ lɛ dan banban.

Suusun 8:14

Doroo laanka gɔn waa n masɛ wɔ lɛa. Ma din ni sii-doɛ̃ lɛa, pàã n ma din lon.

Izayii 31:2

A da yaa, a dɔ á sii doɛ̃. Á boe la a da ka koe ne, a wusii a da ǹ boo kio wa. A n yui min baraan lɛ sɔkɔn gialaa, ka sii baraa-zɛnaalin dɔmalɛ nɛ.

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Zeremii 10:12

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Rɔmu minin 11:34

Ká a bɛ́ á n pɛ Lawa a boo-n lɔn: «Die n boe la a Lawa a taasiɛ dɔ̃ sonbore? Die n yiri koe la? Min kɔ́n!»

Korɛnti1 1:24

Sɛnɛ, Lawa min mɛnɛn bɔ, ta Zuifu ni, ta tɔrɔ kɔsɔ nɛ, Krita lɛ n Lawa a pàãyiidɛnaabaa lɛa, ka a sii-doɛ̃ nɛ bɛn yii li.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:8

Lawa din na á bɛa bǐɛ̃ lɛ zɛnaa wɔ nɛ. Á yiri tumaa kɔ wɔ la, màn mɛn bɛ́ toɛ, a din sii mɛn yɔrɔ bɔ, mà wɔ bɛ dɔ̃.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.