Zɔbu 11:7 - LAWA A BOO SONBORE

⁷ N tá boe la n Lawa a sii zuzulun kɛn gɔsɛ n nə ǹ dɔ̃? N tá boe la n Pàãyiidɛnaa a siin kɛn lɛ-piɛ̃ giala ma?

LAWA A BOO SONBORE 2011

⁷ N tá boe la n Lawa a sii zuzulun kɛn gɔsɛ n nə ǹ dɔ̃? N tá boe la n Pàãyiidɛnaa a siin kɛn lɛ-piɛ̃ giala ma?

Zɔbu 11:7 ပူးပေါင်းရင်းမြစ်များ

Zɔbu 22:12

Lawa lɛ n lon sɔsɔɔ. Ga leeren kɛn dinin sɔsɔɔbaa ganaa le!

Zɔbu 26:14

A nya ǹ dí lɛ lɛkoro din nə ka bɛ nɛ, bɛ lɛ wuu boɛɛnɛ wɔ á miɛ̃. Sonbore, Lawa á sii dadaran zɛnɛɛ. Die n boe la a bɛn giala ma?»

Zɔbu 27:11

Man die Lawa a boo sii la nyɛɛ ka nɛ, ma a die Pàãyiidɛnaa a taasiɛ duri ka la wa.

Zɔbu 33:12

Zɔbu, man pii n ni, sonbore ba n lon ka bɛ-n wa. A giala, n miã bie ka Lawa nɛ, n tɔn a liere kɔ wa.

Zɔbu 33:13

Wàa na á baa, n tá Lawa liere koe? Ń bɛ̀ mà nsɛ á nɔ̀n diɛ la, mà a ba n lɛ diɛ nsɛ lɛ wa.

Zɔbu 35:5

N yii saa n ga lon. Ga labaran kɛn ganaa lon n lalan lɔn.

Zɔbu 36:26

Sonbore, Lawa á gole. Sɛnɛ, wɔ n wɔ a boe la, wɔ á doɛ̃ wa. A Lawabaa lɛ dɔ, min ba boe la, a na a lɛ̀ lɛ yɛ a pɛ wa.

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Zɔbu 37:5

Lawa na a kaãbaa ǹ siin lɛn zɛnɛɛ ka lɛn gole ne, á sii dadaran zɛnɛɛ, wɔ́ n wɔ ba ǹ giala miɛ wa.

Zɔbu 42:3

«Die n boe la a n sii yɔrɔ bɔn sàabaa ka baãnaabaa ǹ boo ne?» Taãn nɛ, man má boo da, má n ma ba a giala miɛ wa. Sii mɛn bɛ́ gole ma ganaa, man má bɛ boo da, má n ma a doɛ̃ wa.

Zɔbu 5:9

A din lɛ n sii dadaran zɛnɛɛ, min ba ǹ giala miɛ wa. A n kaãbaa ǹ siin zɛnɛɛ lɛ ba la wa.

Loen 139:6

N din a ma dɔ̃ kɛnɛn ke, kaãbaa ǹ sii ni, á kiɛ̃ maa sii-doɛ̃ la. Á la yii ni, ma ba a giala miɛ wa.

Loen 145:3

Dɛnaa Lawa á gole, wɔ doamaa-n wɔ a guguru kɔ taãn-taãnɛ. Min ba boe la n na a golebaa kɛ lɛ-doa dɔ̃ wa.

Loen 77:19

N la lɛ bɛ́ gini kiɛ̃, la a tɛ-pɛn nə́ kanaa lɛ fulu. Tán nə́ nyɛ́ɛ baa, á bìn da.

Suusun 30:4

Die na á dii lon á wusoo á gisĩ? Die na á piɛ̃ kũ ka a gɔn nɛ? Die na á mɔnaa pɛnɛ mu ganaa? Die na á n yiin doa tán gèlè tumaa la? Ǹ dɛnaa tɔ n die? A nɛgiĩ tɔ n die? N tá bɛ doɛ̃?

Boo-laakalaali 3:11

Lawa n sii tumaa zɛnɛɛ siĩni, a kɔnpɛ ka a biikoo ne. Ka bɛ dɔ nɛ, biikoo mɛn bɛ́ nyɛɛn sɔsɔɔ, Lawa bɛ dɔ din a doɛ̃ a taasiɛ wɔ minbuiin nɛ foo ne, a laanɛ ǹ ba boe la ǹ tá Lawa a sii zɛnaa giala miɛ wa, a saa a giala-kɔ ganaa, a wo kaa a gɔn nyɔmiɛ̃ lɛ.

Boo-laakalaali 7:24

Sii din a taãn bɛ́ ka màn mɛn nɛ, wɔa taasiɛ wɔlɔ á sɔsɔɔ bɛ ganaa, a n zuzulu a tɔ-a, die n boe la a bɛ giala ma?

Izayii 40:28

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Korɛnti1 2:10

Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Korɛnti1 2:16

A n ka Lawa a sɛ́wɔ bɛ́ á pɛ lɔn: «Die n boe la a Dɛnaa a taasiɛ dɔ̃? Die n boe la a yiri kɔ la?» Sɛnɛ, Krita a taasiɛ tá wɔsɛn lon.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.