Zɔbu 11:2 - LAWA A BOO SONBORE

² «N boo zaã kɛ lɛ ń diɛ, ma n taasɛ ma min na a boe la a n lɛ si wa? Bɛ̀ min mɛn lɛ á boo kuĩ kəni, sonbore n bɛa dɛnaa lon?

LAWA A BOO SONBORE 2011

² «N boo zaã kɛ lɛ ń diɛ, ma n taasɛ ma min na a boe la a n lɛ si wa? Bɛ̀ min mɛn lɛ á boo kuĩ kəni, sonbore n bɛa dɛnaa lon?

Zɔbu 11:2 ပူးပေါင်းရင်းမြစ်များ

Zɔbu 11:1

Bɛ kio Sofaara mɛn bɛ́ boe Naaman bɛ́ tɔ́n pɛ:

Zɔbu 15:2

«Zɔbu, n din yiridɛnaa kɛ n min lɛ sii ka boo kooron ne? Ma nə n tìã dii kooro le!

Zɔbu 16:3

Kaa boo kooron kɛn man die nyɛɛ biĩ? Wàa mɛn nə nsɛ Elifaazi diɛ ma lɛ sii ganaa kɛnɛn?

Zɔbu 18:2

«Biĩ ni, ka á re n lɛ tiɛ̃ boo lɛ ganaa? Ka golee ka n taasɛ, wɔ tɔn boo da.

Zɔbu 8:2

«Nsɛ Zɔbu, ma n die goɛ̃ bɛ miã boon kɛn diɛ yǎa biĩ dinin koɛ? N bɛ́ boo kakaarɛ mɛn diɛ, màn din ba li wa.

Loen 140:11

Toa tɛ nàn nə kaa ǹ la, ǹ nyɛnaa ǹ nə ǹ zũ tɛ-n, n nə ǹ zũ nyankɔrɔ zuzulu kɛ nɛ, ǹ baran boo la ǹ soo duduu wa.

Suusun 10:19

Boo gigiã diɛ n die ka siɛ̃ nɛ. Min mɛn bɛ́ a boo gigiã diɛ wa, yiridɛnaa nɛ.

Boo-laakalaali 5:1

N baran saa lɛlɛ, n boo da wa. Boo baran n si n lɛ la, Lawa yɔrɔ-a wa. A giala, Lawa n lon, nsɛ n tán. Bɛ lɛ nɛ, n boo baran toa a mɔnaa wa.

Boo-laakalaali 5:3

Bɛ̀ ń lɛ-kɔ wɔ Lawa nɛ, n baran n lɔlɔɔ a lɛ piɛ̃ li wa. A giala baãnaan sii ba kiɛ Lawa foo la wa. N bɛ́ ń lɛ-kɔ mɛn wɔ, bɛ lɛ pã.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Zaaki 1:19

Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.