Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zɔbu 1:8 - LAWA A BOO SONBORE

8 Dɛnaa Lawa tɔ́n pɛ Zɔ́ɔ nɛ: «Táa ń maa dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ.»

အခန်းကိုကြည့်ပါ။ ကော်ပီ

LAWA A BOO SONBORE 2011

8 Dɛnaa Lawa tɔ́n pɛ Zɔ́ɔ nɛ: «Táa ń maa dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ.»

အခန်းကိုကြည့်ပါ။ ကော်ပီ




Zɔbu 1:8
29 ပူးပေါင်းရင်းမြစ်များ  

KIIN mɛnɛn nə kiɛ̃ Zoziasi nyɛɛn lɛlɛ, ǹ kɔn nə yɛ ka a bɛ́ lɔn, á wusoo á daa Dɛnaa Lawa ganaa ka a foo din tumaa nɛ, ka a gɔ́ɔ̃ din tumaa nɛ, ka a taasiɛ din tumaa nɛ, á kɔnpɛ ka Muizu a dí-pɛ kɛ tumaa-n wa. Zoziasi kio, kii kɔn yɛ ka a bɛ́ lɔn wa.


Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.


Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.


Bɛ̀ ma á Lawa nyankoe lɛlɛ, a n ma lɛ sii. Kanna, maa giaáran man ma diɛ yaa lɛa. Masɛ din min pepere zɛ̀rɛbaãnaa lɛ, ǹ nə́ ke ma diɛ yaa lɛa.


Ǹ kɔn pinaa doo, lon a dia dí-a wolen lɛn nə́ woo Dɛnaa Lawa a lɛ-dia ganaa. Zɔ́ɔ *Sɛtaan lɛ daa kunun ǹ ni bɛa pinaa doo, á daa golee Dɛnaa Lawa yɔrɔ-a.


Dɛnaa Lawa tɔ́n pɛ nɛ: «Táa ń masɛ a dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ. A ke, a tɔn sii kɔn la wa, n dɔ á ke ma diɛ a dɛ ganaa kooro.»


Bɛ̀ Lawa nə n taasɛ ka a dinsɔɔ̃ a sii ni, bɛ̀ a na a yiikoonaa baa ǹ piɛ̃ kɛ sii soekɔn a din li,


A din nə ke. Lawa a min pepere tii wa, a ba n doe min baraan lɛ wa.


Má n yiri koa a dí-pɛn lɛn li, man piã ka a dùũ siin kɛn nɛ wa.


yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.


LOE-saalin goledɛnaa loe mɛn lɔ. Dɛnaa Lawa a dí-nyali Davida a loe.


N bɔ sii baraa wɔlɔ li, n sii bǐɛ̃ zɛnaa. N tá re giã ǹ bǎã yii gána lɛ nɛ biikoo tumaa li.


Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.


Ǹ kɔn pinaa, ń nə́ n din nyaa, ń boo da n lɛ-silin man kɛnɛn: Má n dɔ giĩ foo taãnaa kɔn lɛ, má tɔntɔraa goon mìi saa lon, maa zaman lɛ bii.


Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.


Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.


«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.


Giĩ lɛ nə n toa ma ganaa kɛnɛn: «Minbuiin a nɛ, ga doɛ̃, n too dɔ kɔ doɛ̃. Ma bɛ́ re màn mɛn tumaa nyɛɛ n nɛ, n yiri kɔ bɛ li taãn-taãnɛ. A giala, Lawa n giɛ li a sii nyaa n nɛ, bɛ lɛ na á toa á daa ka n nɛ bǎã kɛ lɛ nɛ. N bɛ́ re màn mɛn tumaa yii, n die n bɛ laakalaa Izirayeli tɔrɔn lɛn manɛ.»


Muizu na á goã din gisiĩ wole lɛa, á la kanaa lɛ a min tumaa nɛ.


Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»


«Maa dí-nyali Muizu gã. Kanna kəni, n din yoo, n Zurdɛ̃ tà kɛ kuru, n din laanka zaman kɛ lɛ tumaa nɛ. Ma bɛ́ gána mɛn koe ka dinin Izirayeli minin lɛn la, ka wo walan.


Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ