Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zɔbu 1:5 - LAWA A BOO SONBORE

5 Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

5 Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

အခန်းကိုကြည့်ပါ။ ကော်ပီ




Zɔbu 1:5
36 ပူးပေါင်းရင်းမြစ်များ  

A lɛawaa, Abrahamu yoo baayɛlɛ yiisoone. Á gɔn kɔ́n yu, á kaa a dundun dɔ̀ɔ̃ nɛ, *wúlu màn lɛ a tã ǹ wɔ lɛa. Lawa bǎã mɛn lɛ boo da nɛ, á yoo á bɛ lɛ a zii saa. Á woo ka a dí-nyali min paa-n kun ni, ka a nɛgiĩ Izaaki ni.


Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.


Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.


Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.


Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»


Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.


Lawa a wúlu-bɔlen laanka Levii tɔrɔn nə́ *gɔ̀ bɔ ǹ dinin ganaa, ǹ nə́ gɔ̀ bɔ zaman lɛ ganaa, ka kiɛnlɛn laanka kungɔn lɛ nɛ.


Sabara baa n nə n gɔn da a gɔn màn lɛ ganaa, n basaã kɔ ǹ tumaa nɛ. Bɛ̀ Zɔbu golee n din yɔrɔ-a, a boo baraa da n ganaa wa, n da màn si ma la.»


A nɛgiĩn lɛn man nə́ goã zɔ́n zɛnɛɛ, bɛ̀ ǹ kɔn bíi, bɛ̀ ǹ wo màn bii kɔn a piɛ. Maǹ goɛ̃ bɛ̀ ǹ lɛ dia ǹ miãnɛn min sɔɔ lɛ dɔ la, bɛ̀ ǹ màn bii kun.


Zɔbu a lɔ tɔ́n pɛ nɛ: «Ma n tɔn tán mà peperebaa nɛ n tá a gɔ́ɔ̃ nɛ? Boo baraa da Lawa lɛ ganaa n gã gɔrɔ, bɛ á soɛ kɛ nɛ.»


Pàãyiidɛnaa a sii tá re min baraa a foo kɔɔ̃nbaa biɛ? Á re Lawa nyankoe biikoo tumaa li?


Tán kɛ la, ǹ miã din banban, a na á n zɛnaa kɛnɛn, sii kɔn ba nyɛ́ɛ diɛ a ganaa wa.


A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»


Zɔbu tɔ́n pɛ: «Bɛ̀ min ba makara boe ǹ miã ganaa wa. Bɛa dɛnaa nə n yii we Pàãyiidɛnaa kɛ la.


Bɛ̀ n nɛnyaanan nə́ sii la Lawa la, ǹ sii mɛn zɛnaa, bɛ lɛ a gɛ̀ na á ǹ dɛ.


Aa maa Kii, aa maa Lawa, ma nə n lɛ dii n din bíi we, n too kɔ ma lon doɛ̃. Ma nə n din nyankoe, ma nə n lɛ dii n din bíi we.


Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.


Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,


Bɛ kio, á tɔntɔraan bɔ Izirayeli nɛnyaanan lɛn bii, bɛn nə́ dii gɔ̀lɔ̀n bɔ, ǹ nə́ ǹ tã lenlen, wúlu mànan lɛa, ǹ nə́ ǹ kɔ Lawa la, ǹ bii kɔɔ̃n kɔ kɔn kɛ a lɛa.


N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.


Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?


Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.


mà asɛ á die zii nyɛɛ wɔ nɛ, wɔ tɔ wɔ peperebaa nɛ ka sonborebaa nɛ, wɔ dí nya a din ni wɔa yiikoonaabaa din tumaa gɔ́ɔ̃ nɛ.


Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?


Zuifun *kiɛ̃mala ǹ zɔ́n nə́ diri. Don kion min gigiã zɔ́n lɛ toa die, ǹ nə́ soo ǹ nə́ woo *gɔ̀ bɔ ǹ dinin ganaa Zeruzalɛmu, á kɔnpɛ ka ǹ landa nɛ.


A lɛawaa, Pooli bɛa minin kɛn lɛn kũ kun ka a din ni, ǹ nə́ gɔ̀ bɔ min ganaa ǹ landa sii lɛ giala kɔ kun. Á woo Lawa a kion, á woo ǹ gogoonmaa a lɛawaa kɔ, ǹ bɛ́ re ǹ *wúlu mànan boe lɛawaan mɛnɛn li, gɔ̀ bɔ min ganaa ǹ sii lɛ a zɛnaa kio.


N taasɛ n golee n sii baraan li, n wusoo n baraabaa kɛ kio, n Dɛnaa nyankɔ. Taasiɛ naarɛ mɛn wɔ n foo-n ke, kɔntan Lawa á re bɛ toɛ n nɛ.


Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.


Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.


Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.


Man die wúlu màn koe Dɛnaa Lawa la, bɛ lɛ nɛ ma daa. Ka *gɔ̀ bɔ ka dinin ganaa, ka kiɛ̃ ka wo wúlu bɔ kun ka masɛ nɛ. Samayeli gɔ̀ bɔ Zesee laanka a nɛnyaanan ganaa, á ǹ bíi wúlu bɔ lɛ ganaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ