Zɔbu 1:21 - LAWA A BOO SONBORE

²¹ «Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

LAWA A BOO SONBORE 2011

²¹ «Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Zɔbu 1:21 ပူးပေါင်းရင်းမြစ်များ

Siin Giala 3:19

N tá re sɛ̀fuu koɛ̃ n pɛsɛ̃ n tɔn nə n lɛ-a ǹ bii yɛ, yǎa n wusii n woe tán, n bɛ́ ń bɔ tán mɛn lɛ nɛ. N nə ǹ tii lɛa, n nə ǹ die wusii n wo tii li.»

Siin Giala 30:2

Zakɔba foo yoo Raseli li, á pɛ: «Lawa n ka masɛ-n ya? Lawa din na a lɛ kɔ, mà n nɔ̀ si wa!»

Siin Giala 45:5

Sɛnɛ, sisia, ka baran n yɔrɔ kɔsɛ, ka foo busu ka dinin li, ka maa sã sii kɛ laanka maa tá kànaa kɛ-n wa. A giala, Lawa na á ma dia ka nyɛɛn kànaa, màn mɛn bɛ́ toɛ, ka kirisibaa.

Samayeli2 16:12

Kɔntan, Dɛnaa Lawa á re giɛ maa nɔmaa kɛ ganaa, a wusoo a yii-nyɛɛ kɔ ma la, Simeyii a lɛn babaraa bíi kɛ lɛ bǎã nɛ.»

Kiin1 12:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

Kiin2 20:19

Ezekiasi nə́ n toa Izayii ganaa: «N Dɛnaa Lawa a boo mɛn da, á kɔɔ̃nɛ.» A giala a na á pɛ mà, là nyantoro laanka susui n die goɛ̃ a tan asɛ a biikoo lɛ gɔ́ɔ̃ nɛ.

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Zɔbu 1:11

Sabara baa n nə n gɔn da a gɔn màn lɛ ganaa, n basaã kɔ ǹ tumaa nɛ. Bɛ̀ Zɔbu golee n din yɔrɔ-a, a boo baraa da n ganaa wa, n da màn si ma la.»

Zɔbu 2:10

Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

Zɔbu 9:12

Bɛ̀ á màn mɛn si, die n gɔsiɛ a bɔ a gɔn? Bɛ̀ á sii mɛn zɛnaa, die n nɔ̀n diɛ la?

Loen 34:1

Davida gàãnaabaa ǹ sii mɛn zɛnaa kii Abimelɛki yɔrɔ-a, á n din tìĩ bɔ a nyin ni. Abimelɛki bɛ́ á loo, a bɛ́ woe a na á loe kɛ lɔ.

Loen 34:2

Man die barka diɛ Dɛnaa Lawa nɛ biikoo tumaa li, man die a tɔ boe baraabaraa.

Loen 39:9

Ma si maa sii baraan kɛn la, n nyan ma kɔ baãnaanan kɛn la, ǹ sɔ kɔ ma-a wa.

Loen 49:17

Bɛ̀ min tá pàãma biɛ, bɛ̀ a kion giala tá n boe li, bɛ baran nyɛ́ɛ da n ganaa wa.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Boo-laakalaali 5:14

A gɔn kooro soo ǹ dan gɔ́ɔ̃-n lɔn, a gɔn kooro n die n bɔyɛɛ miɛ̃. A da lɔn, a n die woe miɛ̃. Màn kɔn bie á n die woe ne a gɔn wa.

Boo-laakalaali 5:15

A goã á daa lɔn, a wusoo a wo miɛ̃ kɛ lɛ, bɛ dɔ n sii lɛa, a lɛ n we. A bɛ́ á dí mɛn nya, á ń piɛ̃ loo lɛa, a n wàa là yii bɛ nɛ?

Boo-laakalaali 5:19

Sonbore, bɛa min lɛ ba re yiri boe a yiikoonaabaa li taãn wa, a giala, Lawa nyɛnyɛɛ mɛn kɔ la, a n die n siɛ bɛ li.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Izayii 42:24

Min mɛnɛn nə Zakɔba a zaman gɔn mànan si, die na á ǹ wɔ bɛn gɔn? Min mɛnɛn nə Izirayeli kokoo, die na á ǹ wɔ bɛn gɔn? Dɛnaa Lawa bie wa? A giala, mà wɔ n wɔ́ sã a ganaa. A zii mɛn nyaa a zaman nɛ, ǹ kɔ bɛ lɛ wa, a dí-pɛ mɛn kɔ ǹ la, ǹ kɔ lɛ wa.

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Busii pɛ 3:38

Lon a Lawa a boo bie die ka sii tumaa-n wa? Koe ne ka là nyantoro ne.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Matiə 20:15

Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Efɛɛzi minin 5:20

Ka barka da Díi Lawa nɛ, biikoo tumaa li, sii din tumaa a lɛa, ka wɔa Dɛnaa Yezu Krita tɔ nɛ.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Timote1 6:7

Wɔ da ka màn kɔ́n nɛ kanaa kɛ gɔ́ɔ̃-n wa, wɔ a die màn kɔ́n dɔ siɛ a nɛ wɔ wo-n wa.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Uruti 1:21

Masɛ bɛ́ woe, bɛ̀ màn tá ma gɔn. Sɛnɛ, Dɛnaa Lawa na á toa masɛ nə́ n bɔyaa ka ma gɔn kooro ne. Wàa na á baa, ka n tɔn masɛ bǐi Naomii? A da yaa, Dɛnaa Lawa din na á yoo masɛ gialaa, Pàãyiidɛnaa na á koe bɔ masɛ ganaa.»

Samayeli1 2:7

Dɛnaa Lawa din ni min biɛ doobaa lɛa a din ni min dɔ biɛ pàãma lɛa. A din ni min kiɛɛrɛ koe a din dɔ n min siɛ lɔn.

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.

Samayeli1 3:18

Bɛ kio, Samayeli boo lɛ yii laakalaa nɛ, a ǹ kɔn duru la wa. Elii tɔ́n pɛ: «N din ni Dɛnaa Lawa lɛa, sii mɛn bɛ siĩni n din yii li, n die n bɛ zɛnaa.»