Zɔbu 1:20 - LAWA A BOO SONBORE

²⁰ Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

LAWA A BOO SONBORE 2011

²⁰ Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Zɔbu 1:20 ပူးပေါင်းရင်းမြစ်များ

Siin Giala 37:29

Urubɛn bɛ́ á n bɔyaa, á daa nyankɔrɔ lɛ lɛ-a, a Zozɛfu yɛ a gɔ́ɔ̃-n doo wa. A foo busiimaa, a ná a din a mɔnaan kũ á ǹ toɛ̃.

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Kiin2 2:12

Yiliizee yii bɛ́ á sii lɛ yɛ, á n lɛ dɛ Yilii ganaa: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.» Bɛ kio, Yiliizee yii Yilii yɛ doo wa. Yiliizee ná a mɔnaa kũ á toɛ̃ kɔn paa.

KZS2 7:3

Izirayeli minin tumaa tɛ lɛ yɛ boe lon gisĩ ka Dɛnaa Lawa a gugurubaa kɛ nɛ, Lawa a kion lɛ la. Ǹ nə́ n mìi kuməə ǹ nə́ n nyanlɛ doa tán, ǹ nə́ Lawa tɔ laakalaa ǹ loe loe ǹ nə́ pii: «Hiĩ, á bǐɛ̃ biɛ, a minin narɛɛ n duduu wɔ lɛa!»

Ɛsidrasi 9:3

Ma bɛ́ má bɛ ma, má maa mɔnaan kũ má ǹ tɔtoɛ̃, má ma mìi ka laanka ma lɛtoro ka kũ má wɔ̃woɛ̃, má giã tán ma foo ń busii ni.

Zɔbu 1:19

A ke! Piɛ̃ gole na á n toa diə ne, á daa n daa kion lɛ tumu la, á wuru á kɔ nɛ tenən lɛn lɛ, ǹ nə́ gã. Mà asɛ dinsɔɔ̃ na á baa si á la, á daa a boo da nɛ.

Zɔbu 2:12

Ǹ bɛ́ ǹ nə́ n toa tìãlɛa ǹ nə́ Zɔbu yɛ, ǹ nə́ fɔ̃ a ganaa. A giaáran lɛn nə́ n lɛ da wuu-n kɔsɛkɔsɛ. Foo-ziziɛ̃ gɔn, ǹ nə́ ǹ mɔnaan tɔtoɛ̃, ǹ nə́ tii goa ǹ nə́ kaa ǹ dinin mìi ni.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Timəə dí-pɛn 9:18

Má tɔ́n na má kaa tán Dɛnaa Lawa yɔrɔ-a, ma lɛawaa pusi ka tèlò pusi, ka bibinaa wɔ lɛ bɛ́ lɔn. Ma màn-bii wɔ ma lɛ-n wa, ma mu wɔ ma lɛ-n wa, kaa sii baraa kɛ lɛ tumaa a lɛa ká zɛnaa. Sii mɛn bɛ́ baraa Dɛnaa Lawa yii li, ka n ká bɛ lɛ zɛnaa, ká a foo yoo ne.

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Piɛrɛ1 5:6

Bɛ lɛ taman yii, ka ka dinin boɛɛn kɔ Lawa pàãdɛnaa lɛ giulun, màn mɛn bɛ́ toɛ, a ka saa lon a kɔnpɛ a biikoo ne.