Zaã a sɛ́wɔ 9:34 - LAWA A BOO SONBORE

³⁴ Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

LAWA A BOO SONBORE 2011

³⁴ Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Zaã a sɛ́wɔ 9:34 ပူးပေါင်းရင်းမြစ်များ

Siin Giala 19:9

Ǹ nə́ tɔ́n pɛ nɛ: «N nə n daa gùli kɔ, ma n giɛ li n nə n din baa wɔsɛn dorooli lɛa koe! Wɔ bɛ́ re màn mɛn zɛnɛɛ n nɛ sisia, n wɔ á die liɛ n tiin kɛn wɔ nɛ.» Ǹ nə́ Lɔti nyɛnaa ka pàã nɛ ǹ nə́ woo ne, mà maǹ die kiɛnlɛ lɛ nyɛnɛɛ ǹ kaa a nɛ.

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Bɔ bɛ̀rɛbaa nɛ 2:14

Giĩ lɛ mà a ganaa: «Die na á n koa kii laanka kiri-wɔle lɛa wɔsɛn mìi la? Ma n giɛ li n masɛ dɔ dɛ, ka n bɛ́ ń Ezipti min kɛ dɛ lɔn?» Nyɛ́ɛ Muizu kũ, á pɛ kɛnɛn: «Haya, maa sii lɛ bɔ kanaa kəni!»

Suusun 22:10

Yaa-wɔli loo, zia á re nyɛɛ. Zia laanka sɔ-kɔ a re yii doo wa!

Suusun 26:12

Bɛ̀ min tá n din biɛ yiridɛnaa lɛa, a dɔ̃ mà baãnaa á soɛ bɛa dɛnaa nɛ.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 65:5

Maǹ pii minin manɛ: «Ka nyan nə n mɔrɔ ma ganaa wa, ka nyan nə n gɔn da ma ganaa wa. A giala, man Dɛnaa Lawa a bɔ a koa wole lɛa.» Ka bɛ sii mɛn tumaa zɛnɛɛ, a n ma foo yui, a n ma kuĩ baraabaraa ka tɛ bɛ́ lɔn.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Luku 11:45

Landa sii-daraalin lɛn goon pɛ Yezu ni: «Mìinaa, n bɛ́ boo kɛ diɛ kɛnɛn, ma n sɔ koe wɔsɛn dɔn ganaa.»

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Luku 18:17

Masɛ n pii ka nɛ sonbore, bɛ̀ min mɛn lɛ kɔ Lawa a kiibaa lɛ ganaa ka nɛnyaan bɛ́ lɛ koe sii-a lɔn wa, bɛa dɛnaa a boe la a wɔ Lawa a kanaa dii kɛ-n wa.»

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Zaã a sɛ́wɔ 8:41

Sɛnɛ, kasɛn man koe ka di a zɛnaa ǹ siin lɛ.» Ǹ nə́ tɔ́n pɛ Yezu ni: «Kikio nɛn bie ka wɔsɛn nɛ wa dɛ! Wɔsɛn Díi n goon toto dinsɔɔ̃, bɛ n ka Lawa nɛ.»

Zaã a sɛ́wɔ 9:2

A kialandɛnan nə́ tɔ́n nɔ̀n kɛ da la kɛnɛn: «Mìinaa, wàa na á baa giĩ kɛ yɛ yii tere-a lɛa? A din a sii baraa taman yii-n hinlaa a yɛ wolen wɔ nɛ?»

Zaã a sɛ́wɔ 9:22

A yɛ wolen lɛn man nə́ pɛ miɛ̃, a giala, maǹ nə́ goã nyɛ́ɛ biɛ Zuifun goledɛnan lɛn manɛ. A giala, bɛn nə́ saa lɛlɛ ǹ nə́ n lɛ kaa kun, mà bɛ̀ min mɛn nə́ pɛ mà Yezu n Minin Nyin-sili lɛa, mà maǹ die bɛa dɛnaa lui, ǹ ba toɛ a da lɛsɔkɔn kion doo wa.

Zaã a sɛ́wɔ 9:35

Yezu ma mà ǹ nə́ giĩ lɛ loo. Á tɔn daa yaa ǹ kɔ́n pinaa, á pɛ nɛ: «Nsɛ kɛ lɛ, n golee Min a Nɛgiĩ li?»

Zaã a sɛ́wɔ 9:40

Fariziɛ̃n mɛnɛn bɛ́ kun ni, ǹ nə́ bɛa boo lɛ ma, bɛn nə́ tɔ́n pɛ: «Sii n kəni, wɔsɛn dɔn man yii tere-an lɛa kən le?»

Galaasi minin 2:15

Wɔsɛn man wɔ́ yɛ Zuifun lɛa. Wɔ bie tɔrɔ kɔsɔ sii baraa-zɛnaalin lɛa, ka Zuifun dinin bɛ́ pii lɔn wa.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Zaã3 1:10

Bɛ lɛ nɛ, bɛ̀ má daa walan, a sii bɔnɛɛ mɛn tumaa zɛnaa, a boo baraan mɛnɛn da, ka soɛn mɛnɛn nɛ wɔsɛn wɔ paǹ li, ma á re a tumaa nyɛɛ. Sɛnɛ, bɛ kɔ́n dɔ a yii li wa: wɔ dɔɔ̃nɔn mɛnɛn bɛ́ die walan, a nə n piɛ̃ doo mà ǹ baran bɛn dɔn si wa. Min mɛnɛn dɔn dinin bɛ́ zoɛ̃ mà ǹ nə ǹ si, a n bɛn dɔn kurii mà ǹ baran ǹ si wa, a n giɛ li mà a ǹ loo dinin, a ǹ bɔ Lawa a sɔmɔ-n.

Zaã3 1:9

Má boo boɛɛn kiɛ̃ má dia kaa Lawa a sɔmɔ la. Sɛnɛ, Diotrɛfu mɛn bɛ́ zoɛ̃ ǹ kiibaa li, bɛ nə́ n piã, ma boo mɛn da, a baa boo lɛa wa.

Sii-nyaan 13:17

Bɛ̀ bɛa nyaǹ lɛ ba min woo min ganaa wa, a ba boe la a tá màn kɔ́n pii wa, a boe la a màn kɔ́n dɔ sã wa. Bɛa nyaǹ lɛ n Tɔɔ lɛ din tɔ lɛa, hinlaa màn-nimii mɛn bɛ́ kɔnpii ka a tɔ lɛ nɛ.