Zaã a sɛ́wɔ 9:22 - LAWA A BOO SONBORE

²² A yɛ wolen lɛn man nə́ pɛ miɛ̃, a giala, maǹ nə́ goã nyɛ́ɛ biɛ Zuifun goledɛnan lɛn manɛ. A giala, bɛn nə́ saa lɛlɛ ǹ nə́ n lɛ kaa kun, mà bɛ̀ min mɛn nə́ pɛ mà Yezu n Minin Nyin-sili lɛa, mà maǹ die bɛa dɛnaa lui, ǹ ba toɛ a da lɛsɔkɔn kion doo wa.

LAWA A BOO SONBORE 2011

²² A yɛ wolen lɛn man nə́ pɛ miɛ̃, a giala, maǹ nə́ goã nyɛ́ɛ biɛ Zuifun goledɛnan lɛn manɛ. A giala, bɛn nə́ saa lɛlɛ ǹ nə́ n lɛ kaa kun, mà bɛ̀ min mɛn nə́ pɛ mà Yezu n Minin Nyin-sili lɛa, mà maǹ die bɛa dɛnaa lui, ǹ ba toɛ a da lɛsɔkɔn kion doo wa.

Zaã a sɛ́wɔ 9:22 ပူးပေါင်းရင်းမြစ်များ

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Zaã a sɛ́wɔ 1:19

Zuifun goledɛnan nə́ n toa Zeruzalɛmu, ǹ nə́ wúlu-bɔlen dia kun ka ǹ dɔmalɛ wole *Levii tɔrɔn nɛ, mà ǹ wo nɔ̀n da ZAÃ la mà a n die lɛa. ZAÃ boo mɛn da a din wɔ gɔn la, bɛ n ka kɛ nɛ.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 19:38

Bɛa siin lɛn zɛnaa kio, Zozɛfu mɛn bɛ́ boe Arimatee kiwi, bɛ́ woo Yezu gere nyankɔ Pilati lon. (Zozɛfu na á goã Yezu a kialandɛnaa goon lɛa, sɛnɛ, a na á goã n duri, a giala, a na á goã nyɛ́ɛ biɛ Zuifun lɛn manɛ). Pilati lɛ kɔ, Zozɛfu tɔ́n daa Yezu gere bɔ á woo ne.

Zaã a sɛ́wɔ 20:19

A din dimaasi pinaa lɛ a wasamiɛnɛ, kialandɛnan lɛn nə́ goã kion kɔ́n nɛ, ǹ nə́ kiɛnlɛ sɔɔ ǹ dinin lɛ, a giala, maǹ nə́ goã nyɛ́ɛ biɛ Zuifun pàãdɛnan lɛn manɛ. Yezu daa á golee ǹ bii, á pɛ ǹ nɛ: «Là nyantoro die a giã ka li.»

Zaã a sɛ́wɔ 7:13

Sɛnɛ, min kɔ́n yii goã we a n boo diɛ a wɔ gɔn la foaã wa, Zuifun goledɛnan lɛn lɛa.

Zaã a sɛ́wɔ 9:18

Sɛnɛ, Zuifun goledɛnan nə waa la, mà giĩ lɛ na á goã yii tere-a lɛa lɛlɛ, mà a yii na á n bũ sisia wa, yǎa ǹ ná a yɛ wolen bíi,

Zaã a sɛ́wɔ 9:21

Sɛnɛ, màn mɛn toa a yii n wɔlɔ yii kanna, wɔ a bɛ doɛ̃ wa. Min mɛn na a yiin bũ, wɔ a doɛ̃ wa. Nɛnyaan bie doo wa, á boe la a min lɛ si, ka nɔ̀n da a din la.»

Zaã a sɛ́wɔ 9:34

Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Zaã a sɛ́wɔ 9:35

Yezu ma mà ǹ nə́ giĩ lɛ loo. Á tɔn daa yaa ǹ kɔ́n pinaa, á pɛ nɛ: «Nsɛ kɛ lɛ, n golee Min a Nɛgiĩ li?»

Nya ǹ dín 4:18

Ǹ nə́ minin dia, mà ǹ wusoo ǹ da Piɛrɛ laanka ZAÃ lɛ nɛ ǹsɛn yɔrɔ-a. Ǹ nə́ pɛ ǹ nə́ laa ǹ ganaa taãn-taãnɛ: «Ka baran Yezu tɔ laakalaa min ni doo wa, ka baran min dɔ daraa-a wa.»

Nya ǹ dín 5:13

Sɛnɛ, min kooro kɛ kɔ́n yii wɔ á woo wɔ kunun ǹ ni wa, a da yaa minin lɛn dɔn manə ǹ tɔ bǐɛ̃ pii.

Nya ǹ dín 5:40

Ǹ nə́ lɛ dia dia dí-a wolen lɛn la, mà ǹ da wɔ. Ǹ nə́ minin kaa ǹ-a ǹ nə́ ǹ dɛ. Ǹ nə́ tɔ́n nə n gòon pepere ǹ yii li doo, mà ǹ baran toa ǹ Yezu tɔ kɛ pɛ doo wa. Bɛ kio, ǹ nə́ ǹ kaa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»