Zaã a sɛ́wɔ 8:39 - LAWA A BOO SONBORE

³⁹ Ǹ nə́ tɔ́n pɛ Yezu ni mà Abrahamu nə ǹsɛn díi lɛa. Yezu tɔ́n pɛ ǹ nɛ: «Bɛ̀ ka ǹ Abrahamu a nɛnyaanan lɛa sonbore, ka kɔ Abrahamu a zɛnaa ǹ siin lɛ.

LAWA A BOO SONBORE 2011

³⁹ Ǹ nə́ tɔ́n pɛ Yezu ni mà Abrahamu nə ǹsɛn díi lɛa. Yezu tɔ́n pɛ ǹ nɛ: «Bɛ̀ ka ǹ Abrahamu a nɛnyaanan lɛa sonbore, ka kɔ Abrahamu a zɛnaa ǹ siin lɛ.

Zaã a sɛ́wɔ 8:39 ပူးပေါင်းရင်းမြစ်များ

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Zaã a sɛ́wɔ 8:33

Ǹ nə́ tɔ́n pɛ Yezu ni: «Wɔsɛn man Abrahamu tɔrɔn lɛa, min kɔ́n bin wɔsɛn baa bɛ̀rɛ lɛa wa. A n siɛ lɔn n tá pii mà wɔ á re goɛ̃ wɔ dinin gɔn wìi a lɛa?»

Zaã a sɛ́wɔ 8:37

Ka n Abrahamu tɔrɔn lɛa, ma á bɛ doɛ̃. Sɛnɛ, ka n giɛ li ka tá masɛ dii, a giala, maa boo lɛ na a ba ka foo sii wa.

Zaã a sɛ́wɔ 8:43

Wàa na á baa ka ba maa boo giala miɛ wa? A giala, ka a boe la ka n too kɔ masɛ a boo ganaa wa.

Zaã a sɛ́wɔ 8:56

Ka digolo Abrahamu kɛ lɛ, ka lɛ n paraa-n a tɔ ganaa, á goã n nyɛnyɛɛ, a ná a yiri ni mà a tá re masɛ a biikoo yii. Á yɛ, a foo kɔɔ̃n kɔ parsiini.»

Rɔmu minin 4:12

Sonbore, Abrahamu n kurii wolen lɛn dɔn díi lɛa. Sɛnɛ, kurii wole kɛ tumaa bie Abrahamu a nɛ lɛa wa. Min mɛnɛn bɛ́ a lɛa, bɛn man ke, golee Lawa li wolen dininsɔɔ̃nɔn, ka wɔ di Abrahamu din bɛ́ á zɛnaa lɔn, bɛ̀ a ná a tɔn nə n kuru wa.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Rɔmu minin 9:7

Min mɛnɛn tumaa dɔ bɛ́ Abrahamu tɔrɔ lɛa, bɛn tumaa bie Abrahamu a nɛnyaanan lɛa wa. Lawa na á pɛ Abrahamu ni: «N tɔrɔ giala basa n die boe Izaaki ni.»

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Galaasi minin 3:7

Ka á kɔnboe ka a giala ma, ka dɔ̃, mà goleemali wolen man Abrahamu a nɛnyaan taãnan lɛa.