Zaã a sɛ́wɔ 8:16 - LAWA A BOO SONBORE

¹⁶ Bɛ din tumaa kio, bɛ̀ masɛ n kiri we min ganaa, man kiri pepere we, a giala, ma dinsɔɔ̃ bie wa. Maa Díi mɛn ma dia, bɛ tá kun ka ma nɛ.

LAWA A BOO SONBORE 2011

¹⁶ Bɛ din tumaa kio, bɛ̀ masɛ n kiri we min ganaa, man kiri pepere we, a giala, ma dinsɔɔ̃ bie wa. Maa Díi mɛn ma dia, bɛ tá kun ka ma nɛ.

Zaã a sɛ́wɔ 8:16 ပူးပေါင်းရင်းမြစ်များ

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Zaã a sɛ́wɔ 16:32

Á ke, biikoo kɔ́n tá re doe, á dɔ dinin, ka á re sawɛɛ, didie wo a piɛ, ka masɛ dinsɔɔ̃ toa walan. Sɛnɛ, ma bie ma dinsɔɔ̃ wa, maa Díi tá kun ka ma nɛ.

Zaã a sɛ́wɔ 8:29

Min mɛn ma dia, a tá kun ka ma nɛ. A ma toa ma dinsɔɔ̃ wa, a giala, ma tá a foo sii zɛnɛɛ biikoo tumaa waáraa.»

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»