Zaã a sɛ́wɔ 8:14 - LAWA A BOO SONBORE

¹⁴ Yezu tɔ́n pɛ ǹ nɛ: «Sonbore ne, masɛ n siére biɛ masɛ din wɔ gɔn la, sɛnɛ, ma bɛ́ màn mɛn pii, taãn nɛ. A giala, ma tá ma din a bɔ ǹ bǎã doɛ̃, ma tá maa woo ǹ bǎã dɔ doɛ̃. Sɛnɛ, kasɛn kɛn, ka a maa bɔ ǹ bǎã doɛ̃ wa, ka a maa woo ǹ bǎã dɔ doɛ̃ wa.

LAWA A BOO SONBORE 2011

¹⁴ Yezu tɔ́n pɛ ǹ nɛ: «Sonbore ne, masɛ n siére biɛ masɛ din wɔ gɔn la, sɛnɛ, ma bɛ́ màn mɛn pii, taãn nɛ. A giala, ma tá ma din a bɔ ǹ bǎã doɛ̃, ma tá maa woo ǹ bǎã dɔ doɛ̃. Sɛnɛ, kasɛn kɛn, ka a maa bɔ ǹ bǎã doɛ̃ wa, ka a maa woo ǹ bǎã dɔ doɛ̃ wa.

Zaã a sɛ́wɔ 8:14 ပူးပေါင်းရင်းမြစ်များ

Suusun 8:7

Taãn nɛ, man sonbore pii. A giala, soɛ boon tumaa tìĩ n boe-n ma nɛ.

Minin nimi 12:3

Muizu na á goã din gisiĩ wole lɛa, á la kanaa lɛ a min tumaa nɛ.

Zaã a sɛ́wɔ 10:36

Sɛnɛ, Lawa bɛ́ á masɛ mɛn bɔ, á ma dia kanaa kɛ gɔ́ɔ̃ nɛ, a n siɛ lɔn ka tá pii, mà masɛ n Lawa tɔ ziziɛ̃, a giala, mà man má pɛ mà man Lawa a Nɛgiĩ lɛa?

Zaã a sɛ́wɔ 13:3

Yezu dinmaa lɛ á doɛ̃ sɛn, mà asɛ a Díi na á sii din tumaa a pàã kɔ asɛ la. Á doɛ̃ mà asɛ na á bɔ Lawa li á daa, mà asɛ n wusii á woe Lawa li.

Zaã a sɛ́wɔ 14:10

N ba wɛɛ la mà ma á kun ka maa Díi ni, mà maa Díi dɔ á kun ka masɛ-n wa? Ma bɛ́ boon mɛnɛn pii ka nɛ, ma bie ǹ pii ma din mìi gialaa wa dɛ! Maa Díi mɛn bɛ́ kun ka masɛ nɛ, a din na a nya ǹ dín nyɛɛ.

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Zaã a sɛ́wɔ 17:8

N boon mɛnɛn pɛ masɛ nɛ, man má bɛn lɛn pɛ ǹ nɛ, ǹ nə́ lɛ kɔ bɛa boon lɛn ganaa. Ǹ tá doɛ̃ taãn-taãnɛ, mà masɛ n má bɔ n din Lawa li, ǹ nə́ waa la dɔn, mà n din ni n má dia.

Zaã a sɛ́wɔ 18:37

Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»

Zaã a sɛ́wɔ 5:31

«Bɛ̀ a n ka man siére biɛ ma dinmaa wɔ gɔn la, bɛ̀ minin ba wɛɛ maa boo la wa.

Zaã a sɛ́wɔ 8:42

Yezu tɔ́n pɛ ǹ nɛ: «Bɛ̀ Lawa n kaa Díi lɛa sonbore, bɛ̀ ka á masɛ narɛ. A giala, masɛ n má bɔ Lawa li má daa. Ma bie má daa ma din gɔn wìi a lɛa wa, a din na á ma dia.

Korɛnti2 11:31

Barka tá Dɛnaa Yezu ǹ Di Lawa ganaa yǎa duduu! A din tá doɛ̃ mà ma a soɛ boe wa.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni: