Zaã a sɛ́wɔ 8:12 - LAWA A BOO SONBORE

¹² Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

LAWA A BOO SONBORE 2011

¹² Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Zaã a sɛ́wɔ 8:12 ပူးပေါင်းရင်းမြစ်များ

Zɔbu 33:28

Á ma kanbaa, màn mɛn bɛ́ toɛ, ma baran gã wa. Á ma kanbaa, màn mɛn bɛ́ toɛ, ma yii wusoo a goã koo.»

Loen 18:28

Ǹ bɛ́ koe boe min mɛnɛn ganaa, n din nə bɛn kirisibiɛ. Min mɛnɛn bɛ́ n dinin gole koe, n din nə bɛn gisĩ.

Loen 49:19

A yii bɛ́ koo, a nə n nyɛnyɛɛ, minin man a laakalɛɛ, a giala, asɛ a sii tumaa n bǐɛ̃ koe.

Loen 97:11

Lawa a bǐɛ̃baa n yui, min pepere a lɛa, ka tɛ fúlu bɛ́ lɔn, bɛ n nyɛnyɛɛ koe gɔ́ɔ̃ fudɛnan la.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Matiə 5:14

Ka dinin lɛn man goon ka bólon fúlu bɛ́ lɔn kanaa kɛ lɛ gɔ́ɔ̃ nɛ. Kiwi mɛn bɛ́ kele mìi ni, bɛa boe la a n duru wa.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 12:36

Wɔlɔ fúlu bɛ́ ka li ǹ mɛn waáraa, ka golee bɛ lɛ li, màn mɛn bɛ́ toɛ, ka n baa minin lɛa, min mɛnɛn bɛ́ tɔ we wɔlɔ fúlu li.» Bɛa boon lɛn diɛ kio, Yezu kiɛ̃ á n bɔ ǹ li, á n duru ǹ la.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Zaã a sɛ́wɔ 3:19

Kiri lɛ a wɔ ǹ mìi á ke: Wɔlɔ fúlu daa kanaa gɔ́ɔ̃ nɛ, sɛnɛ, wɔlɔ tì kɔɔ̃n kɔ minbuiinin ganaa á la wɔlɔ fúlu ni, a giala ǹ zɛnaa ǹ siin ba siĩn-n wa.

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Zaã a sɛ́wɔ 9:5

A masɛ toa kanaa kɛ gɔ́ɔ̃ nɛ, masɛ na a bólon fúlu lɛa.»

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Nya ǹ dín 26:23

A na á n pɛ mà Minin Nyin-sili lɛ á re die, ǹ nɔmaa, ǹ dɛ a gã, sɛnɛ, a din nə die yii kaa wole binaa biɛ á n bɔ geren bii, a kirisibaa ǹ wɔlɔ fúlu bɔ Zuifu tɔrɔn laanka tɔrɔ kɔsɔn manɛ.»

Piɛrɛ2 2:17

Bɛa minin-daraali soɛ-bɔlen kɛn lɛn man goon ka mu yalan nɛ, mu ba ǹ nɛ wa. Maǹ ka labaran mɛnɛn bɛ́ piɛ̃ nə́ ǹ goɛ kiɛ̃ ǹ nɛ. Nɔmaa ǹ bǎãn mɛnɛn bɛ́ wɔlɔ tì lɛa taãn-taãnɛ, Lawa n bɛn koɛ ǹ nɛ.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Zaã1 1:6

Bɛ̀ wɔ́ pɛ wáa wɔ n kaa-n kun ni, wɔ́ n tɔ we wɔlɔ tì dɔ li, wɔ ǹ soɛ boe ka wɔa boon ne, ka wɔa siin ni.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 21:24

Tɔrɔn tumaa á re tɔ we a din a tɛ fúlu li, kanaa a kiin tumaa á re die a nɛ ka ǹ gɔn mànan nɛ.