Zaã a sɛ́wɔ 7:35 - LAWA A BOO SONBORE

³⁵ A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

LAWA A BOO SONBORE 2011

³⁵ A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Zaã a sɛ́wɔ 7:35 ပူးပေါင်းရင်းမြစ်များ

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 56:8

Dɛnaa Lawa mɛn Izirayeli a wo bɛ̀rɛbaa ǹ bǎã n wolen sɔkɔn, bɛa da ǹ boo á ke: «Má minin sɔkɔn má ǹ lɛpɛnɛ nɛ. Man die wusii ma kɔsɔn sɔkɔn kunun ǹ ni doo.»

Sofonii 3:10

Min mɛnɛn bɛ́ ma guguru koe, giã nɛ gána tumaa nɛ, bɛn tá re boe bǎã sɔsɔɔn nɛ Etiopii tàn kɛn kio dinin, ǹ da gɔn màn kɔ ma la.

Matiə 12:21

Tɔrɔ din tumaa á die n foo doɛ a ganaa.»

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Zaã a sɛ́wɔ 12:20

Min mɛnɛn nə da Lawa guguru kɔ zɔ́n lɛ li, Grɛkin kɔnɔn nə́ goã kunun ǹ ni.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 8:22

Zuifun nə́ tɔ́n pɛ: «N bɛ́ pii mà nsɛ bɛ́ woe bǎã mɛn nɛ, mà wɔsɛn ba boe la wɔ wo walan wa, din-dɛ nə n gɔ́ɔ̃-n koɛ?»

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 11:20

Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ.

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 17:4

Zuifun tɛnɛn nə́ lɛ kɔ boo lɛ ganaa. Grɛki nyɛ́ɛbaa Lawa-n wole gigiã nɛ, ka lɔ tɔdɛnaa gigiã nɛ, bɛn nə́ ǹ naa Pooli laanka Silaasi ganaa.

Nya ǹ dín 18:4

*Susu ǹ pii tumaa li, á goã boo diɛ lɛsɔkɔn kion, á n giɛ li mà Zuifun laanka Grɛkin nə golee Yezu li.

Nya ǹ dín 21:21

Sɛnɛ, maǹ boon kɛn diɛ n wɔ gɔn la: Mà n daraa lɛ n toɛ Zuifun mɛnɛn bɛ́ giã-n tɔrɔ kɔsɔn bii, bɛn tá Muizu a dí-pɛn lɛn toɛ walan, mà ma n pii ǹ ni mà ǹ baran ǹ nɛnyaanan kuru doo wa, mà ǹ baran kɔ ǹ landa siin lɛn dɔn lɛ wa.

Nya ǹ dín 22:21

Sɛnɛ, Dɛnaa pɛ ma nɛ: «Woo, masɛ din ni n diɛ sɔsɔɔ, tɔrɔ kɔsɔn li.»

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Timote2 1:11

Lawa na á masɛ koa bɛa Boo Tii Kɔɔ̃n lɛ a pɛle lɛa, á ma dia mà ma wo minin daraa a ganaa.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.