Zaã a sɛ́wɔ 7:19 - LAWA A BOO SONBORE

¹⁹ Táa Muizu na á Lawa a dí-pɛn lɛn kɔ ka dinin lɛn la? Sɛnɛ, ka kɔ́n bɛ́ ka a ǹ tamɛɛ wa. Ka n giɛ li dinin ka masɛ dɛ?»

LAWA A BOO SONBORE 2011

¹⁹ Táa Muizu na á Lawa a dí-pɛn lɛn kɔ ka dinin lɛn la? Sɛnɛ, ka kɔ́n bɛ́ ka a ǹ tamɛɛ wa. Ka n giɛ li dinin ka masɛ dɛ?»

Zaã a sɛ́wɔ 7:19 ပူးပေါင်းရင်းမြစ်များ

Matiə 12:14

Fariziɛ̃n nə́ soo ǹ nə́ woo n lɛ sɔkɔn, ǹ nə́ ga Yezu dɛ ǹ gɔn li.

Matiə 21:38

Sɛnɛ, wuru dí-nyalin lɛn bɛ́ ǹ nə́ yɛ die, ǹ nə́ pɛ kɔn nɛ: «Haya, a kíɛ̃-saali lɛ á ke. Ka daa, wɔ dɛ, wɔ wuru lɛ si.»

Marki 11:18

Lawa a wúlu-bɔlen goledɛnan laanka landa sii-daraalin bɛ́ ǹ nə́ bɛ ma, ǹ nə́ ga Yezu dɛ ǹ gɔn li. Ǹ nə́ goã nyɛ́ɛbiɛ nɛ, a giala, a daraa lɛ zaman lɛ din tumaa kũ.

Marki 3:4

Min mɛnɛn bɛ́ tán giɛ, Yezu tɔ́n nɔ̀n da bɛn la: «Wɔa landa siin lɛn man lɛ koe wàaǹ sii nə n zɛnaa min ni susu ǹ pii pinaa, sii bǐɛ̃ hinlaa a baraa? N min nyin si gɛ̀ la hinlaa n na a nyin bɔ?» Sɛnɛ, bɛn nə́ n lɛ tã.

Marki 3:6

Minin mɛnɛn bɛ́ kii Erɔdi a pàã li, *Fariziɛ̃n nə́ soo lɛsɔkɔn kion, ǹ nə́ n lɛ kaa kun bɛn nɛ gɔrɔ, ǹ nə́ ga Yezu dɛ a gã ǹ gɔn li.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 10:39

Bɛ kio, ǹ nə́ wusoo ǹ nə́ ga a kũ ǹ gɔn li doo, sɛnɛ, á la ǹ la á woo.

Zaã a sɛ́wɔ 11:53

A din pinaa lɛ-n kəni ǹ nə́ golee la, mà ǹsɛn man die dii a gã.

Zaã a sɛ́wɔ 5:16

A kũ bɛ lɛ ganaa, maǹ nə́ goã Yezu gialaa, a giala, a na á bɛa sii kɛ lɛ zɛnaa susu ǹ pii pinaa.

Zaã a sɛ́wɔ 5:18

Bɛa boo kɛ lɛ na á là wɔ Zuifun ga Yezu dɛ a gã ǹ gɔn li, a giala, a na á susu ǹ pii ziziɛ̃; bɛ dinsɔɔ̃ bie wa, a na á goã Lawa dɔ bíi mà asɛ a Díi, a nə n din biɛ goon ka Lawa-n bɛa yɔrɔ kɛ lɛ la.

Zaã a sɛ́wɔ 5:45

Ka nyan taasɛ ka masɛ n die ka biɛ koe maa Díi yɔrɔ-a wa. Ka bɛ́ waa-n Muizu mɛn la, bɛ lɛ n ka biɛ-kɔle lɛa.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 7:25

Zeruzalɛmu minin kɔnɔn man nə́ goã pii: «Minin bɛ́ giɛ giĩ mɛn lɛ li mà ǹ dɛ, a din lɛ bie ke wa ya?

Nya ǹ dín 7:38

A din ni, zaman lɛ bɛ́ soe-n kɔn don bii ǹ mɛn waáraa, á golee wɔsɛn digolon lɛn laanka lon a dia dí-a wole lɛ bii ni, lon a dia dí-a wole mɛn bɛ́ á goã n toɛ Sinayii kele lɛ la a n boo diɛ nɛ. A din Muizu lɛ nɛ, sii-zɛnaan mɛnɛn bɛ́ wɔsɛn kiɛ yiikoonaabaa taãn-taãn kɛ nɛ, á bɛn boon si á ǹ kɔ wɔ la.

Galaasi minin 3:19

Dí-pɛn man nə́ daa wàa mɛn a lɛa kəni? Maǹ nə́ daa, ń giɛ màn mɛn bɛ́ sii baraa lɛ lɛa taãnɛ, wɔ bɛ dɔ̃. Lon a dia dí-a wolen man nə́ bɛa dí-pɛn kɛn lɛn kɔ. Ǹ nə́ min goon baa zɛlɛ lɛa, Muizu ni. Maǹ nə́ dí-pɛn lɛn kɔ, mà ǹ goã yǎa Abrahamu tɔrɔ kɛ lɛ a daa doe, lɛ-kɔ nə n wɔ asɛ mɛn lɛ nɛ.

Galaasi minin 6:13

A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.

Timəə dí-pɛn 1:17

Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

Timəə dí-pɛn 33:4

Muizu na á dí-pɛ kɔ wɔ la, Zakɔba tɔrɔn lɛn kíɛ̃ nɛ.