Zaã a sɛ́wɔ 7:17 - LAWA A BOO SONBORE

¹⁷ Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

LAWA A BOO SONBORE 2011

¹⁷ Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Zaã a sɛ́wɔ 7:17 ပူးပေါင်းရင်းမြစ်များ

Loen 119:10

Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

Loen 25:12

Bɛ̀ min mɛn tá nyɛ́ɛ biɛ Dɛnaa Lawa nɛ, Dɛnaa Lawa n zii nyɛɛ bɛ nɛ, a kɔ lɛ.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Suusun 28:5

Min baraa ba boo kɔn giala miɛ dí-pɛn gɔ́ɔ̃-n wa. Sɛnɛ, min mɛnɛn bɛ́ giɛ Dɛnaa Lawa li, bɛn ta a tumaa giala miɛ.

Suusun 3:32

Min kɔkɔrɔn tìĩ n boe ne Dɛnaa Lawa nyin ni, sɛnɛ, min peperen giaára nɛ.

Izayii 35:8

Zii gole á re yii walan ǹ bíi "sonborebaa ǹ zii". Gɔ̀dɛnaa kɔn ba re boe walan wa, a n die goɛ̃ Lawa a zaman dinsɔɔ̃ wɔ lɛa. Baãnaan ba re die n dinin daɛ walan wa.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Misee 4:2

Gána gigiã á die zii siɛ, bɛ̀ ǹ nə́ pii kɔn nɛ: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa kɛa kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, dí-pɛn boon lɛn man boe *Siɔn, Dɛnaa Lawa a boo lɛ n boe Zeruzalɛmu.

Matiə 6:22

Yii nàn nə ka bólon bɛ́ lɔn, a din nə wɔlɔ fúlu kiɛ gɔ̀nɔn nɛ. Bɛ̀ n yii nànan tá siĩni, n gɔ̀nɔn tumaa n die goɛ̃ wɔlɔ fúlu li.

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Zaã a sɛ́wɔ 3:21

Sɛnɛ, bɛ̀ min mɛn tá sii sonbore zɛnɛɛ, bɛa dɛnaa n soe wɔlɔ fúlu li, màn mɛn bɛ́ toɛ, minin na a zɛnaa ǹ siin yɛ foaãnɛ.»

Zaã a sɛ́wɔ 8:43

Wàa na á baa ka ba maa boo giala miɛ wa? A giala, ka a boe la ka n too kɔ masɛ a boo ganaa wa.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Zaã a sɛ́wɔ 8:47

Min mɛn bɛ́ Lawa wɔ lɛa, bɛa dɛnaa nə n too koe Lawa a boo li. Ka bɛ́ ka a Lawa wɔn lɛa wa, bɛ lɛ nɛ, ka a n too koe masɛ lon wa.»

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.