Zaã a sɛ́wɔ 7:14 - LAWA A BOO SONBORE

¹⁴ Zɔ́n lɛ din bɛ́ a dɔ, Yezu woo Lawa a kion, á bɔ á mɛ la a n minin darɛɛ.

LAWA A BOO SONBORE 2011

¹⁴ Zɔ́n lɛ din bɛ́ a dɔ, Yezu woo Lawa a kion, á bɔ á mɛ la a n minin darɛɛ.

Zaã a sɛ́wɔ 7:14 ပူးပေါင်းရင်းမြစ်များ

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Minin nimi 29:17

A kũ a lɛawaa paabaa ǹ wɔ ganaa a wo dɔ a sɔbaabaa ǹ wɔ ganaa, ka die ka wúlu bɔ ka tɔɔn nɛ, wɔ̀lɔ̀ ná a ba ǹ ganaa wa. Ka bɛ́ goɛ̃ bɛ̀ ka wúlu mànan mɛnɛn dɔn ti ǹ ganaa, ka bɛn kaa kunun ǹ ni. Ka bɛ́ re wúlu boe ka tɔɔn mɛnɛn lɛn nɛ, bɛn man ke: Lɛawaa paabaa ǹ wɔ pinaa: dii gɔ̀lɔ̀ fulupaa, sère gɔ̀lɔ̀ paa, lɛ̀ goon sère nɛ fulusii, ka butumu goon ne. Lɛawaa sɔɔbaa ǹ wɔ: dii gɔ̀lɔ̀ fulugoon, sère gɔ̀lɔ̀ paa, lɛ̀ goon sère nɛ fulusii, ka butumu goon ne. Lɛawaa siibaa ǹ wɔ: dii gɔ̀lɔ̀ fù, sère gɔ̀lɔ̀ paa, lɛ̀ goon sère nɛ fulusii, ka butumu goon ne. Lɛawaa soorobaa ǹ wɔ pinaa: dii gɔ̀lɔ̀ manangɔrɔ, sère gɔ̀lɔ̀ paa, lɛ̀ goon sère nɛ fulusii, ka butumu goon ne. Lɛawaa sɔrɔbaa ǹ wɔ: dii gɔ̀lɔ̀ kiwisi, sère gɔ̀lɔ̀ paa, lɛ̀ goon sère nɛ fulusii ka butumu goon ne. Lɛawaa sɔbaabaa ǹ wɔ: dii gɔ̀lɔ̀ sɔbaa, sère gɔ̀lɔ̀ paa, lɛ̀ goon sɛ̀re nɛ fulusii, ka butumu goon ne.

Matiə 21:12

Bɛ kio, Yezu wɔ Lawa a kion. Min mɛnɛn bɛ́ màn siɛ̃ walan, ǹ mɛnɛn bɛ́ màn pii, á ǹ tumaa loo á ǹ kaa kanaa. Á wɔrɔ lonkɔlen tabalan nyanaa á ǹ lɛ kuməə tán, á zɛrɛkantoan-sãlin dankanan lɛ kuməə tán.

Matiə 26:55

Bɛ kio, Yezu tɔ́n pɛ zaman lɛ nɛ: «Ka ǹ ka gɔya san laanka babalan goa, ka daa masɛ gialaa, ka masɛ n mɛnaa minin la wole lɛa? Ma bɛ́ giɛ̃ tán Lawa a kion baraabaraa bɛ̀ ma minin daraa, wàa na á baa ka ma kũ wa?

Luku 19:47

Yezu na á goã minin darɛɛ baraabaraa Lawa a kion. Wúlu-bɔlen goledɛnan man nə́ goã giɛ li kun ka landa sii-daraalin ni ka min golen ne, mà ǹ dɛ a gã.

Zaã a sɛ́wɔ 18:20

Yezu tɔ́n pɛ-n kɛnɛn: «Má boo da min tumaa-n foaãnɛ; biikoo woo biikoo, lɛsɔkɔn kionən mɛnɛn laanka Lawa a kion mɛn bɛ́ kaa lɛsɔkɔn bǎãn lɛa, má minin daraa bɛn nɛ. Ma boo kɔ́n da má duru ka la wa.

Zaã a sɛ́wɔ 5:14

Bɛ kio, a belebɔ wa, Yezu wusoo á yɛ Lawa kion, á pɛ nɛ: «Haya, n bɛ́ ke kakabaa la kanna, n nyan wusoo n sii baraa zɛnaa doo, sii kɔsɔ yaa kiɛ̃ n yii, bɛ n baraa á la kɛ-n wa.»

Zaã a sɛ́wɔ 7:2

Zuifun *giã siã giulun zɔ́n diri.

Zaã a sɛ́wɔ 7:28

Yezu bɛ́ minin darɛɛ Lawa a kion, á n lɛn saa lon á pɛ: «Táa ka tá masɛ doɛ̃! Táa ka tá maa bɔ ǹ bǎã doɛ̃! Masɛ bie má daa ma din li wa. Sɛnɛ, min mɛn masɛ dia, sonbore-pɛle ne, ǹ mɛn lɛ bɛ́ ka a doɛ̃ wa.

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Zaã a sɛ́wɔ 8:2

Baayɛlɛ yiisoon ne, á wusoo á daa Lawa a kion. Zaman tumaa daa a li, á giã tán, á goã ǹ darɛɛ.

Zaã a sɛ́wɔ 8:20

Yezu na á bɛa boon lɛn da Lawa a kion, bɛ̀ a bɛ́ Lawa gɔ ǹ wɔrɔ si ǹ mànan bǎã nɛ minin darɛɛ. Min kɔ́n nə n gɔn da a ganaa wa, a giala, a biikoo tɔn dɔ wa.