Zaã a sɛ́wɔ 6:5 - LAWA A BOO SONBORE

⁵ Yezu bɛ́ á n yii saa lon, á zaman gole yɛ die a li. Á tɔ́n pɛ Filipi ni mà ǹsɛn man die buuru pii maa, minin kɛn nə tɔn màn yɛ ǹ bii?

LAWA A BOO SONBORE 2011

⁵ Yezu bɛ́ á n yii saa lon, á zaman gole yɛ die a li. Á tɔ́n pɛ Filipi ni mà ǹsɛn man die buuru pii maa, minin kɛn nə tɔn màn yɛ ǹ bii?

Zaã a sɛ́wɔ 6:5 ပူးပေါင်းရင်းမြစ်များ

Minin nimi 11:13

Masɛ n die boe ka siĩ-n maa, ma tɔn kɔ bɛa zaman kɛ lɛ tumaa la wuu pii ma ganaa, ǹ nə́ pii: «Siĩ kɔ wɔ sɔ̃?»

Matiə 15:33

A kialandɛnan nə́ nɔ̀n da la: «Wɔ n die boe ka màn-bii-n maa, wɔ zaman kɛ miã too ne don kɛ nɛ?»

Marki 6:32

Ǹ dininsɔɔ̃nɔn nə́ tɔ́n wɔ tà kuru ǹ goo ne, ǹ nə́ woo tiãlɛa.

Luku 9:10

Dia dí-a wolen lɛn bɛ́ ǹ nə́ wusoo ǹ nə́ daa, ǹ nə́ ǹ nya ǹ dí yii laakalaa Yezu ni. Yezu nə́ ǹ kũ, á n zɔ̃ á woo ǹ ne tiãlɛa, dia-n woe Bɛtsayidaa kiwi la.

Zaã a sɛ́wɔ 1:43

Bɛa lɛawaa, Yezu yoo mà a n die woe Galilee gána nɛ. Á Filipi yɛ, á pɛ nɛ mà a kɔ asɛ kio lɛ.

Zaã a sɛ́wɔ 1:44

A da yaa, Filipi laanka Andre ne, ka Piɛrɛ nɛ, ǹ tumaa n kiwi goon minin lɛa, maǹ boe Bɛtsayidaa.

Zaã a sɛ́wɔ 1:45

Filipi dɔ́ kiɛ̃ á woo dɔ Natanayeli li, á pɛ nɛ: «Muizu boo da min mɛn wɔ gɔn la landa sɛ́wɔ nɛ, Lawa a boo gii-dalin dɔn nə́ boo da a wɔ gɔn la, wɔsɛn nə́ yɛ: Yezu ni, Nazarɛtin Zozɛfu a nɛgiĩ ni.»

Zaã a sɛ́wɔ 1:46

Natanayeli tɔ́n pɛ Filipi ni mà màn sonbore á boe la a bɔ Nazarɛti? Filipi tɔ́n pɛ nɛ mà a daa, a yii yɛ.

Zaã a sɛ́wɔ 1:48

Natanayeli tɔ́n nɔ̀n da Yezu la mà a na asɛ doɛ̃ maa? Yezu tɔ́n na a lɛ si á pɛ nɛ: «N bɛ́ gɔ́rɔ da lɛ giulun, Filipi laan bɛ̀ a n lɛ diɛ n la dinin, bɛ̀ masɛ yii tá n ganaa.»

Zaã a sɛ́wɔ 4:35

Táa ka dininmaan man suusu diɛ mà yǎa mui sii, kaa-piɛ tɔn dɔ. Sɛnɛ, masɛ n pii ka nɛ: Ka n yii saa ka ga! Á ke, wuru gɔ́ɔ̃ ǹ *belee ma, a gialakun na á goã a kurii ganaa!