Zaã a sɛ́wɔ 6:46 - LAWA A BOO SONBORE

⁴⁶ A bie ka min na á masɛ a Díi yɛ ka a yii-n wa. Min mɛn bɛ́ á bɔ a li á daa, bɛ lɛ dinsɔɔ̃ ná á yɛ.

LAWA A BOO SONBORE 2011

⁴⁶ A bie ka min na á masɛ a Díi yɛ ka a yii-n wa. Min mɛn bɛ́ á bɔ a li á daa, bɛ lɛ dinsɔɔ̃ ná á yɛ.

Zaã a sɛ́wɔ 6:46 ပူးပေါင်းရင်းမြစ်များ

Bɔ bɛ̀rɛbaa nɛ 24:10

Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Luku 10:22

«Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 14:7

Bɛ̀ ka ǹ masɛ doɛ̃, ka á re maa Díi dɔ doɛ̃. A kũ sisia ganaa, ká dɔ̃, ká yɛ dinin.»

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 5:37

Maa Díi mɛn nə ma dia, a dinmaa siére baa masɛ wɔ gɔn la. Sɛnɛ, haalɛ pinin goon, ka bin na a lɛ ma boo diɛ wa, ka bin yɛ ka yii-n wa.

Zaã a sɛ́wɔ 7:29

Sɛnɛ, masɛ á doɛ̃, a giala, man boe a din li, a din na á masɛ dia.»

Zaã a sɛ́wɔ 8:19

Ǹ nə́ tɔ́n nɔ̀n da Yezu la mà a Díi lɛ dɔ n maa? Yezu tɔ́n pɛ ǹ nɛ: «Ka a masɛ doɛ̃ wa, ka a maa Díi dɔ doɛ̃ wa. Bɛ̀ ka ǹ ka masɛ dɔ̃, bɛ̀ ka á maa Díi dɔ doɛ̃.»

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.