Zaã a sɛ́wɔ 6:40 - LAWA A BOO SONBORE

⁴⁰ Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

LAWA A BOO SONBORE 2011

⁴⁰ Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:40 ပူးပေါင်းရင်းမြစ်များ

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Minin nimi 21:9

Muizu tɔ́n miɛ̃ nyín zɛnaa ka zan nɛ, á pɛnɛ bàlà sasa ganaa lon. Miɛ̃ goã min mɛn tumaa kuĩ, bɛ̀ ǹ mɛn nə́ n yii saa á ga miɛ̃ nyín lɛ ganaa, ǹ dɛnaa n liɛ.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Luku 2:30

A giala, ma yii yɛ, n ná a giala kɔ n tá n minin nyin si ǹ dí lɛ nyɛɛ kəni.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Zaã a sɛ́wɔ 11:24

Marti dɔ mà asɛ á doɛ̃ mà a yii á re kiɛ kanaa a nya pinaa.

Zaã a sɛ́wɔ 11:25

Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;

Zaã a sɛ́wɔ 12:45

Bɛ̀ min mɛn masɛ yɛ, min mɛn ma dia, ǹ dɛnaa na á bɛ dɔ yɛ.

Zaã a sɛ́wɔ 12:50

Ma á doɛ̃, máa a bɛ́ màn mɛn pii, bɛ lɛ n nyin nyabaã koe minbuiinin la. Bɛ lɛ nɛ, ma bɛ́ boo mɛn pii, maa Díi pɛ ma-n lɔn, ma dɔ n pii miɛ̃.»

Zaã a sɛ́wɔ 14:17

Yiri Fu mɛn bɛ́ sonbore pii, bɛ lɛ nɛ. Kanaa minin ba boe la ǹ lɛ kɔ a ganaa wa, a giala, ǹ yii ba a ganaa wa, ǹ ba doɛ̃ dɔn wa. Sɛnɛ, kasɛn kɛn tá doɛ̃, a giala, á giã nɛ ka li, á kun ka nɛ.

Zaã a sɛ́wɔ 14:19

Kànaa ka boɛɛn, kanaa minin ba re masɛ yii doo wa, sɛnɛ, kasɛn tá re ma yii ma yii n koo, ka dɔn yii á re goɛ̃ koo.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zaã a sɛ́wɔ 6:39

A foo sii lɛ n ka kɛ nɛ: A min mɛnɛn kɔ masɛ la, ma nyan toa bɛn goon papaã wa, sɛnɛ, ma ǹ yii kaa kanaa a nya pinaa.

Zaã a sɛ́wɔ 6:44

Min kɔ́n ba boe la a da masɛ li a din ganaa wa, maa Díi mɛn ma dia, yǎa bɛ lɛ diɛ zii. Ma dɔ á re bɛa dɛnaa yii kiɛ kanaa a nya pinaa.

Zaã a sɛ́wɔ 6:54

Bɛ̀ min mɛn masɛ siĩ sɔ̃, á ma mà mi, nyin nyabaã n bɛa dɛnaa wɔ lɛa, ma á die bɛa dɛnaa yii kiɛ kanaa a nya pinaa.

Zaã a sɛ́wɔ 8:56

Ka digolo Abrahamu kɛ lɛ, ka lɛ n paraa-n a tɔ ganaa, á goã n nyɛnyɛɛ, a ná a yiri ni mà a tá re masɛ a biikoo yii. Á yɛ, a foo kɔɔ̃n kɔ parsiini.»

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Ebrəə 11:1

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.

Zude 1:21

Lawa bɛ́ ka narɛ ke, ka toa ka goã bɛ gɔ́ɔ̃ nɛ, ka n yii da, wɔa Dɛnaa Yezu Krita bɛ́ re die a bǐɛ̃baa gole kɛ gɔ́ɔ̃ nɛ, a n die nyin nyabaã koe ka la.