Zaã a sɛ́wɔ 5:24 - LAWA A BOO SONBORE

²⁴ «Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

LAWA A BOO SONBORE 2011

²⁴ Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 5:24 ပူးပေါင်းရင်းမြစ်များ

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Zaã a sɛ́wɔ 11:26

bɛ̀ min mɛn dɔ yii a koo, ǹ dɛnaa golee masɛ li, bɛa giɛ̃ duduu wa. Ń golee bɛ li?»

Zaã a sɛ́wɔ 12:44

Yezu nə́ n lɛn saa lon, á pɛ: «Bɛ̀ min mɛn golee masɛ li, bɛa dɛnaa bie á golee masɛ dinsɔɔ̃ li wa, min mɛn ma dia, a na á golee bɛ dɔ li.

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 3:18

«Bɛ̀ min mɛn golee Lawa a Nɛgiĩ li, kiri ba n we bɛa dɛnaa ganaa wa. Bɛ̀ min mɛn golee li wa, kiri nə́ n wɔ bɛa dɛnaa ganaa á nya, a giala a na a golee Lawa a Nɛgiĩ li wa.

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Zaã a sɛ́wɔ 4:36

Min mɛn bɛ́ a dí nyɛɛ, bɛ n màn nàn soekɔn biɛ̃ ǹ a lɛa. Á ke a saraa yii gɔrɔ, bɛ n ka nyin nyabaã nɛ. Bɛ lɛ nɛ, màn-dali laanka a yawaali ni, manə n nyɛnyɛɛ kun.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Zaã a sɛ́wɔ 6:50

Buuru mɛn bɛ́ n toɛ lon gisĩ tán, bɛ n buuru lɛa, bɛ̀ min mɛn bɛ sɔ̃, ǹ dɛnaa a giɛ̃ wa.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Zaã a sɛ́wɔ 6:58

Buuru mɛn lɛ bɔ lon á daa, a din lɛ n ke. Bɛ̀ min mɛn bɛa buuru lɛ sɔ̃, bɛa dɛnaa yii á die goɛ̃ koo yǎa duduu. Ka digolon nə́ buuru tɔrɔ kɔ́n sɔ̃ lɛlɛ, sɛnɛ, ǹ nə́ gã. A laanka bɛa goon wa.»

Zaã a sɛ́wɔ 8:51

Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Tesaloniki1 5:9

A giala, Lawa bie á wɔ bɔ, mà asɛ n die a foo-busii diɛ wɔ mìi-n wa, a na á wɔ bɔ, mà wɔ kirisibaa yɛ ka wɔa Dɛnaa Yezu *Krita pàã nɛ.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.