Zaã a sɛ́wɔ 5:23 - LAWA A BOO SONBORE

²³ màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

LAWA A BOO SONBORE 2011

²³ màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Zaã a sɛ́wɔ 5:23 ပူးပေါင်းရင်းမြစ်များ

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Matiə 12:21

Tɔrɔ din tumaa á die n foo doɛ a ganaa.»

Matiə 15:8

Lawa pɛ: «Minin kɛn man ma guguru koe ka ǹ lɛ nɛ, sɛnɛ, ǹ gɔ́ɔ̃ wɔlɔ á lui-n ma ganaa.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Zaã a sɛ́wɔ 14:1

Yezu mà a kialandɛnan lɛn ganaa: «Ka foo baran ziziɛ̃ wa. Ka golee Lawa li, ka golee masɛ dɔ li.

Zaã a sɛ́wɔ 16:14

Á re maa gugurubaa nyɛɛ, a giala, a n die masɛ din wɔ sii a pɛ ka nɛ.

Zaã a sɛ́wɔ 17:10

Masɛ wɔ din tumaa nə n wɔ lɛa, ka n dɔ wɔ din tumaa bɛ́ masɛ wɔ lɛa lɔn. Má gugurubaa yɛ ǹ sii gɔ́ɔ̃ nɛ.

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Rɔmu minin 15:12

Lawa a boo gii-dali Izayii dɔ́ pɛ: «Zesee tɔrɔ lɛ á re die, á re yui a giã gánan dinin tumaa mìi la, ǹ tá re n foo doɛ a din ganaa.»

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Korɛnti1 1:3

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti2 1:9

Ma yiri ni, fuu kɛ na á dɔ gɛ̀ wɔ gɔn la. Bɛ lɛ-n ke, ma a n foo doɛ ma din ganaa doo wa, Lawa ke geren yii kiɛ, man doɛ bɛ ganaa.

Korɛnti2 5:14

A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Ebrəə 1:6

Sɛnɛ, Lawa a Nɛgiĩ bibinaa dia kanaa biikoo li, Lawa pɛ: «Lon a dia dí-a wolen tumaa die ǹ na a guguru kɔ.»

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 2:23

A giala, bɛ̀ min mɛn Nɛgiĩ tii, a na á Díi dɔ tii miɛ̃. Bɛ̀ min tá Nɛgiĩ lɛ doɛ̃, a n Díi dɔ doɛ̃ miɛ̃.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.