Zaã a sɛ́wɔ 5:19 - LAWA A BOO SONBORE

¹⁹ Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.

LAWA A BOO SONBORE 2011

¹⁹ Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.

Zaã a sɛ́wɔ 5:19 ပူးပေါင်းရင်းမြစ်များ

Siin Giala 1:1

Lɛlɛ-lɛlɛ Lawa na á lon laanka kanaa da.

Siin Giala 1:26

Bɛ kio kəni, Lawa tɔ́n pɛ: «Ka daa, wɔ minbuiin nɛ zɛnaa, wɔ dinin kɔnboe lɛa, ka wɔ dinin bɛ́ lɔn. A giã kɔ̀ mu li ǹ zɔ̀n mìi la, ka bàanan nɛ, ka piɛ mànan laanka don mànan nɛ, a dadaran laanka a bɔnboɛɛnɛn nɛ.»

Loen 138:3

Ma bɛ́ má lɛ dia n la ǹ mɛn pinaa, ń nə́ n nyəə ma la. Ń ma foo taã, ń màn da ma pàã li.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Loen 50:6

Lon mànan tá a peperebaa kɛ kalɛɛ, kiri-kuruli n ka Lawa nɛ. *Doa.

Bɔ bɛ̀rɛbaa nɛ 4:11

Dɛnaa pɛ-n kɛnɛn: «Die na á lɛ kɔ minbuiin nɛ la? Die n minbuiin nɛ lɛ tiɛ̃, a nà a too tã? Die n toɛ a yii á wɔlɔ yii, die na a yii tiɛ̃? Ma din Dɛnaa Lawa bie wa?

Suusun 2:6

Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Zaã a sɛ́wɔ 10:18

Min bie sii ma la wa dɛ. Man boe ma din ni ma á koe. Pàã tá ma lon ma bɔ ma din ni ma kɔ, pàã tá ma lon dɔn ma wusoo ma si. Maa Díi dí mɛn pɛ ma nɛ, a din lɛ n bɛ nɛ.»

Zaã a sɛ́wɔ 12:49

Ma bie má boo da ma din gɔn wìi a lɛa wa, sɛnɛ, maa Díi mɛn nə ma dia, bɛ màn mɛn pɛ ma nɛ, man bɛ lɛ pii, man minin darɛɛ bɛ lɛ ganaa.

Zaã a sɛ́wɔ 12:50

Ma á doɛ̃, máa a bɛ́ màn mɛn pii, bɛ lɛ n nyin nyabaã koe minbuiinin la. Bɛ lɛ nɛ, ma bɛ́ boo mɛn pii, maa Díi pɛ ma-n lɔn, ma dɔ n pii miɛ̃.»

Zaã a sɛ́wɔ 14:10

N ba wɛɛ la mà ma á kun ka maa Díi ni, mà maa Díi dɔ á kun ka masɛ-n wa? Ma bɛ́ boon mɛnɛn pii ka nɛ, ma bie ǹ pii ma din mìi gialaa wa dɛ! Maa Díi mɛn bɛ́ kun ka masɛ nɛ, a din na a nya ǹ dín nyɛɛ.

Zaã a sɛ́wɔ 2:19

Yezu tɔ́n pɛ ǹ nɛ: «Ka Lawa a kion kɛ wuru, masɛ n wusii ma dɔ lɛawaa sɔɔ gɔ́ɔ̃ nɛ.»

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 5:21

Díi bɛ́ geren yii kiɛ lɔn bɛ̀ a yiikoonaabaa kɔ ǹ la, Nɛgiĩ lɛ dɔ bɛ́ li a yiikoonaabaa dii kɔ min mɛn la, a n koe bɛa dɛnaa la.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Zaã a sɛ́wɔ 8:28

Yezu tɔ́n pɛ ǹ nɛ: «Bɛ̀ ká Min a Nɛgiĩ dere gɔn ganaa lon ǹ mɛn waáraa, ma bɛ́ min mɛn lɛa, ka á re doɛ̃ mà man bɛ lɛa. Ka á re doɛ̃ dɔn mà ma ba sii kɔ́n zɛnɛɛ ma din gɔn wìi a lɛa wa. Maa Díi ma daraa màn mɛn ganaa, man bɛ lɛ pii.

Zaã a sɛ́wɔ 9:4

Bɛ̀ lɛ̀ waa lɔn, dí-nyalin man nə ǹ dí nyɛɛ, bɛ̀ wɔlɔ baa tii. Wɔsɛn dɔn doamaa nɛ, wɔ masɛ a dia wole a dín nya miɛ̃. A giala, min kɔ́n ba re boe la a dí nya tèlò-n wa.

Nya ǹ dín 2:24

Lawa gɔsɛ gɛ̀ gɔn á si, á wusoo á yiikoonaabaa kɔ la. A giala, pàã goã gɛ̀ lon a Yezu lɛ kurəə wusoo a da yiikoonaabaa ganaa wa.

Rɔmu minin 6:4

Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Korɛnti1 15:12

Bɛ̀ wɔ á pii ka nɛ, wáa Krita yii-kaa á n bɔ geren li, wàa na á baa kaa min tɛnɛn tá pii, mà geren yii kaa banban?

Korɛnti2 4:14

A giala, ma á doɛ̃ taãnɛ, máa Lawa mɛn bɛ́ á Yezu yii kaa á bɔ geren li, máa bɛ á re masɛ dɔ yii kiɛ kun ka Yezu ni, ma wusoo ma yɛ kun ka ka nɛ, a din yɔrɔ-a.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Filipi minin 3:21

Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Kolɔɔsi minin 1:16

Lawa na á màn tumaa zɛnaa ka a din lɛ barka nɛ, lon mànan laanka tán wɔn nɛ, a yii a yɛ wolen laanka a yii a yɛbaã wolen dɔn dinin ni, ka lon màn pàãdɛnan bɛ́ lɔn ka ǹ goledɛnan nɛ. Lawa na á màn tumaa zɛnaa a din lɛ barka nɛ, a na á ǹ zɛnaa a din dɔ a lɛa.

Tesaloniki1 4:14

Bɛ̀ wɔ́ waa la sɛn wáa Yezu gã a yii wusoo á kaa, wɔ waa la dɔn wáa min mɛnɛn nə golee Yezu li yǎa á woo kaa ǹ gɛ̀ lɛ, Lawa á die bɛn dɔn yii kiɛ a ǹ kaa kun ka Yezu ni.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.