Zaã a sɛ́wɔ 4:19 - LAWA A BOO SONBORE

¹⁹ Lɔ lɛ tɔ́n pɛ Yezu ni: «Dɛnaa, masɛ yii tá-a, máa ma n Lawa a boo gii-dali lɛa.

LAWA A BOO SONBORE 2011

¹⁹ Lɔ lɛ tɔ́n pɛ Yezu ni: «Dɛnaa, masɛ yii tá-a, máa ma n Lawa a boo gii-dali lɛa.

Zaã a sɛ́wɔ 4:19 ပူးပေါင်းရင်းမြစ်များ

Kiin2 5:26

Sɛnɛ Yiliizee nə́ n toa a ganaa: «Giĩ goon bɛ́ gisĩ fufuu n boe a wotoro la, die n diɛ n lɛ, masɛ n ma bɛ yɛ sii nyaa-n wa? Wɔrɔ yɛ n biikoo n ka kɛ nɛ ń nə́ boe la ń nə́ mɔnaan pii ni, *olivie dan nɛ, *rezɛ̃ dan nɛ, sèren laanka diin ni, bɛ̀rɛgiĩn laanka bɛ̀rɛlɔn nɛ?

Kiin2 6:12

A sɔraasin nyɛɛnaandɛnaa lɛ goon ná a lɛ si á pɛ: «Maa dɛnaagiĩ kii, min bie wa. Lawa a boo gii-dali Yiliizee mɛn lɛ á ke Izirayeli gána nɛ, bɛ nɛ. N bɛ́ boo mɛn diɛ n waa ǹ kion, Yiliizee tá boe la a bɛ dɔ̃ a pɛ Izirayeli gána a kii lɛ nɛ.»

Matiə 21:11

Zaman lɛ pɛ: «Nazarɛtin Yezu, Lawa a boo gii-dali ni, Galilee gána nɛ.»

Luku 24:19

A dɔ́ nɔ̀n da ǹ la mà wàa mɛn na á n zɛnaa? Ǹ nə́ wusoo ǹ ná a lɛ si: «N bɛ ma wa? Màn mɛn bɛ́ á n zɛnaa Nazarɛtin Yezu-n lɛn! Táa a na á goã Lawa a boo gii-dali pàãdɛnaa lɛa. A na á bɛ nyaa a zɛnaa ǹ siin li ka a da ǹ boon ne Lawa yɔrɔ-a, gána lɛ a minin dɔn tumaa yɔrɔ-a.

Luku 7:16

Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Zaã a sɛ́wɔ 4:18

Yezu tɔ́n pɛ nɛ: «N bɛ́ mà nsɛ zuũ banban, ń sonbore pɛ. Ma nə́ n zuũ yɛ gunyin sooro, sɛnɛ, n bɛ́ kun ka giĩ mɛn nɛ kanna, ǹ zuũ bie ka bɛ-n wa. Ń sonbore pɛ ka bɛ nɛ.»

Zaã a sɛ́wɔ 4:29

«Ka da ga giĩ goon ganaa, masɛ sii mɛn tumaa zɛnaa, a ná a yii pɛ ma nɛ. Minin Nyin-sili lɛ din bie wa le?»

Zaã a sɛ́wɔ 6:14

Minin bɛ́ ǹ nə́ bɛa kaãbaa ǹ sii kɛ lɛ yɛ á n zɛnaa, ǹ nə́ tɔ́n pɛ: «Lawa a boo gii-dali mɛn doamaa bɛ́ a da kanaa gɔ́ɔ̃ nɛ, a din lɛ n ka kɛ-n sonbore!»

Zaã a sɛ́wɔ 7:40

Min mɛnɛn nə n too kɔ bɛa boon lɛn ganaa zaman lɛ bii, ǹ tɛn na á goã pii mà sonbore pɛ á soɛ, mà Lawa a boo gii-dali mɛn bɛ́ ǹsɛn tá n yii diɛ la, mà a din nə ke!

Zaã a sɛ́wɔ 9:17

Fariziɛ̃n nə́ wusoo ǹ nə́ nɔ̀n da yii tere-a zizi lɛ la kɛnɛn: «A bɛ́ á n dɔ yiin bũ, man wàa mɛn boo diɛ a wɔ gɔn la?» Á tɔ́n pɛ ǹ nɛ mà Lawa a boo gii-dali ni.

Timəə dí-pɛn 18:15

A din tá re a boo gii-dali diɛ ka la, ka masɛ Muizu bɛ́ lɔn. A n die boe ka dinin bii, ka dinin tɔrɔn lɛn min goon ne. Ka die ka n too kɔ bɛ lɛ lon.