Zaã a sɛ́wɔ 3:29 - LAWA A BOO SONBORE

²⁹ Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

LAWA A BOO SONBORE 2011

²⁹ Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Zaã a sɛ́wɔ 3:29 ပူးပေါင်းရင်းမြစ်များ

Loe kɔɔ̃n kɔɔ̃n 3:11

*Siɔn nɛlɔn lɛn, ka da soo ka ga! Ka ga kii Salomɔn ganaa, a ná a kɔn wɔ ǹ bafolo wɔ. Ǹ dan nə bafolo mɛn lɛ kɔ la a kɔn-wɔ pinaa, a foo kɔɔ̃nbaa gole pinaa.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 66:11

Nɛ ǹ dan nyɔ bɛ́ piɛ̃ lɔn a nɛ tiɛɛ̃n mi ka foo kɔɔ̃n nɛ a kã, ka dɔn tá re kiɛ̃ miɛ̃, a ka foo waa.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Ozee 2:19

Dì Baali tɔn kɛn, ma a re toɛ bɛn kɔn soo n lɛ-n doo wa. Min kɔn din yiri a die goɛ̃ ǹ tɔn nɛ doo wa.

Matiə 22:2

– Lon a kiibaa lɛ a kɔnboe n ke: Kii goon ne, a ná a nɛgiĩ a kɔn wɔ ǹ màn-bii zɛnaa.

Matiə 25:1

Bɛ̀ Lawa ná a kiibaa ǹ dí lɛ nya a ná a lɛ pã ǹ mɛn waáraa, a kɔnbɔ ǹ sii n ka kɛ nɛ: Nɛniɛ fù kɔ́n nɛ, ǹ nə́ bólonən goa, mà ǹsɛn man woe n diɛ lɔ tii ǹ zuũ lɛ.

Matiə 9:15

Yezu tɔ́n boo giməə da ǹ nɛ a din wɔ gɔn la á pɛ: «Lɔ tii ǹ zuũ a giaáran tá boe la ǹ nə n yɔrɔ kɔsɛ n lɔ tii ǹ zuũ din toa kunun ǹ ni ya? Haayii. Sɛnɛ, lɛawaa tá re die, ǹ tá re lɔ tii ǹ zuũ boe ǹ bii, ǹ tá re n lɛ soɛ bɛa biikoo li.»

Luku 15:6

Bɛ̀ á daa dɔ piɛ, a na a giaáran lɛ soekɔn ka ǹ miãkɛnɛn nɛ, a pɛ ǹ nɛ mà ǹ nə nyɛnyɛɛ kun asɛ nɛ, a giala mà asɛ a sère mɛn bɛ́ á papaã lɛn, mà asɛ wusoo á yɛ!

Zaã a sɛ́wɔ 15:11

Man má bɛ pɛ ka nɛ, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ goã ka dɔn lon, kaa nyɛnyɛɛ lɛ pã.

Zaã a sɛ́wɔ 16:24

Haalɛ tɔn pelo, ka tɔn màn kɔ́n nyankɔ ka masɛ tɔ-n wa: Ka nyankɔ wɔ, ka á re màn yii, màn mɛn bɛ́ toɛ, kaa nyɛnyɛɛ lɛ pã.

Zaã a sɛ́wɔ 17:13

«Sisia, man woe n din li. Ma bɛ́ kanaa bɔrɔ, man boon kɛn pii ǹ ni, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ lɛ-piɛ̃ yɛ ǹ dɔn lon.

Zaã a sɛ́wɔ 3:30

A doamaa nɛ a golebaa yɛ, masɛ kiɛɛrɛ kɔ.»

Korɛnti2 11:2

Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.

Filipi minin 2:2

ka kaa taasiɛn baa goon kɔn-narɛɛ gɔ́ɔ̃ nɛ, ka n gɔ́ɔ̃ baa goon ka kɔn ma sii tumaa ganaa. Bɛ̀ á miɛ̃, masɛ a foo kɔɔ̃nbaa n woe nyɛɛnɛ.

Zaã1 1:4

Wɔ ǹ bɛ kiɛ̃ diɛ ka la, ń giɛ wɔa nyɛnyaa lɛ á piɛ̃.

Zaã2 1:12

Boo gigiã tá ma li, má n zoɛ̃ máa ma ǹ pɛ ka nɛ, sɛnɛ, ma ba li ma kiɛ̃ sɛ́wɔ-n ma dia ka la wa. Man zoɛ̃ máa ma da kaa piɛ, ma din pɛ ka nɛ ka ma lɛ nɛ, màn mɛn bɛ́ toɛ, wɔa foo kɔɔ̃n kɔ lɛ pã.

Sii-nyaan 21:9

Lon a dia dí-a wole sɔbaa mɛn bɛ́ ka paan sɔbaa nɛ ǹ gɔn, ǹ piɛ̃maa-n ka Lawa a koen giala-nyɔmɔɔ sɔbaa nɛ, bɛn goon daa ma li, á pɛ: «Daa ma Sère Nɛ a lɔ tii lɛ nyaa n nɛ, a lɔ-wɔsiɛ lɛ.»