Zaã a sɛ́wɔ 3:27 - LAWA A BOO SONBORE

²⁷ ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

LAWA A BOO SONBORE 2011

²⁷ Zaã tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Zaã a sɛ́wɔ 3:27 ပူးပေါင်းရင်းမြစ်များ

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Zeremii 17:16

Dɛnaa Lawa, masɛ bie má n laa n ganaa máa n dɔlɔ da ǹ mìi-n wa. N din tá doɛ̃, ma koe taasɛ ǹ paǹ li wa. Ma boo mɛn da, man má da n din yɔrɔ-a.

Amɔɔsi 7:15

Sɛnɛ, Dɛnaa Lawa masɛ kũ tɔɔn kio, á tɔ́n pɛ ma nɛ mà ma wo asɛ a boo gii da asɛ a zaman, Izirayeli tɔrɔn kɛn manɛ.

Minin nimi 17:5

Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.

Matiə 21:25

Die na á ZAÃ dia mà a da *batɛmu da minin ganaa? Lawa-n hinlaa minbuiinin manɛ?» Ǹ dinin nə́ liere kɔ kɔn biin ni, ǹ nə́ pɛ kɔn nɛ: «Bɛ̀ wɔ́ pɛ mà Lawa ná á dia, a n die pii wɔsɛn manɛ mà wàa na á baa wɔ waa asɛ a boo la wa?

Matiə 25:15

Á sana kuturu sooro kɔ ǹ goon la, á sana kuturu paa kɔ ǹ goon dɔ la, á sana kuturu goon kɔ ǹ sɔɔbaa ǹ wɔ la. Á didie wɔ kɔ la á kɔnpɛ ka a pàã lɛ dan nɛ. Bɛ kio, á woo zii ni.

Marki 13:34

«Min a Nɛgiĩ a daa pinaa n die n biɛ ka min bɛ́ woe zii-n lɔn. A laan bɛ̀ a soo, a na a kion koɛ a dí-nyalin li, a didie a nya ǹ dí kɔ la, a n gɔn waa a kiɛnlɛ-lɛduə̃li ni, mà a n yii dɔraa, bɛ̀ asɛ baa die.

Zaã a sɛ́wɔ 10:41

Min gigiã daa a li, ǹ nə́ goã pii mà ZAÃ kaãbaa ǹ sii kɔ́n zɛnaa sɛn wa, sɛnɛ, mà a boo mɛn tumaa da giĩ kɛ lɛ wɔ gɔn la, mà taãn nɛ.

Zaã a sɛ́wɔ 6:65

Á tɔ́n wusoo á pɛ: «Bɛ lɛ na á toa má pɛ ka-n lɛn, máa min kɔ́n ba boe la a da masɛ li, bɛ̀ maa Díi na a pàã kɔ ǹ dɛnaa la wa.»

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 12:6

Lawa bɛ́ á bǐɛ̃baa ǹ màn tɔtɔ kɔ wɔ la, á kɔnpɛ a din a bǐɛ̃ kɛ nɛ, wɔ doamaa nɛ wɔ dí nya ǹ nɛ. Bɛ̀ Lawa a boo gii diɛ na á n kɔ min mɛn la, ǹ dɛnaa doamaa nɛ a zɛnaa, a kɔnpɛ ka a golee Lawa li ni.

Korɛnti1 1:1

Masɛ Pooli, Lawa lɛ kɔ á ma bíi, mà ma Yezu *Krita a dia dí-a wole baa. Ma laanka ma dɔɔ̃n Sɔstɛnɛ n fòo diɛ ka nɛ.

Korɛnti1 12:11

Sɛnɛ, a din Yiri Fu goon kɛ lɛ n bɛ tumaa zɛnɛɛ, a n bɛa bǐɛ̃ kɛ lɛ gii didie ne a din foo dùũ li.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 3:5

Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.

Efɛɛzi minin 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Kasɛn Efɛɛzi a Lawa a minin mɛnɛn bɛ́ bɔlɔgoondɛnan lɛa, tá kun ka Yezu Krita-n gɔ́ɔ̃ nɛ, ma á fòo diɛ ka nɛ.

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.