Zaã a sɛ́wɔ 3:26 - LAWA A BOO SONBORE

²⁶ Ǹ nə́ kiɛ̃ ǹ nə́ woo dɔ ZAÃ li ǹ nə́ pɛ nɛ: «Mìinaa, táa n goã kun ka giĩ goon ne Zurdɛ̃ tà kio, n siére baa a wɔ gɔn la? Á ke, a din nə batɛmu diɛ minin ganaa sisia, min tumaa n woe a din li.»

LAWA A BOO SONBORE 2011

²⁶ Ǹ nə́ kiɛ̃ ǹ nə́ woo dɔ Zaã li ǹ nə́ pɛ nɛ: «Mìinaa, táa n goã kun ka giĩ goon ne Zurdɛ̃ tà kio, n siére baa a wɔ gɔn la? Á ke, a din nə batɛmu diɛ minin ganaa sisia, min tumaa n woe a din li.»

Zaã a sɛ́wɔ 3:26 ပူးပေါင်းရင်းမြစ်များ

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Matiə 23:7

Maǹ giɛ li minin nə guguru kɔ ǹ fòo da ǹsɛn manɛ zaman bǎãn nɛ, ǹ nə ǹsɛn bíi "mìinaa".

Matiə 23:8

«Sɛnɛ, kasɛn baran toa minin nə́ ka bíi "mìinaa" wa. A giala, ka dinin tumaa n goon, kɔn dɔɔ̃nɔn lɛa, Mìinaa goon toto dinsɔɔ̃ n ka lon.

Zaã a sɛ́wɔ 1:15

ZAÃ boo da a wɔ gɔn la bɛ̀ á n parɛɛ a n pii: «Ma min mɛn boo da, máa á re die ma kio, sɛnɛ máa á gole á la masɛ nɛ, a giala masɛ laan bɛ̀ ma yɛ, bɛ̀ a tan, a din lɛ n ka kɛ nɛ.»

Zaã a sɛ́wɔ 1:7

Bɛ na á daa siére baa, á boo da wɔlɔ fúlu lɛ wɔ gɔn la, màn mɛn bɛ́ toɛ min tumaa goleemali wɔ a da ǹ boo taman yii.

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Zaã a sɛ́wɔ 11:48

Mà bɛ̀ ǹsɛn nə́ kɛ da a gɔn lɛ-a, mà min tumaa á die golee li, mà Rɔmu gána a pàãdɛnan tá re miɛ, mà ǹ tá re die ǹsɛn Lawa a kion kɛ wurii, ǹ nə ǹsɛn gána yu.

Zaã a sɛ́wɔ 12:19

*Fariziɛ̃n nə́ tɔ́n pɛ kɔn nɛ mà haya! Mà ǹ yii bɛ́ a ganaa, mà ǹ ba re boe sii kɔ́n la wa. Mà min tumaa á ke toɛ̃ koe a kio lɛ!

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 4:1

*Fariziɛ̃n nə́ ma minin lɛ-n, mà min gigiã á koe Yezu kio lɛ á la ZAÃ nɛ, a bɛ́ *batɛmu diɛ ǹ mɛnɛn ganaa, bɛn dɔn nə́ la ZAÃ wɔn manɛ.

Zaã a sɛ́wɔ 4:2

Sonbore pɛ á soɛ Yezu dinmaa bie á goã batɛmu diɛ minin ganaa wa, a kialandɛnan manɛ.

Zaã a sɛ́wɔ 4:31

Bɛa biikoo li, a kialandɛnan man nə́ goã a gialaa kɛnɛn: «Mìinaa, màn bii kən le!»

Zaã a sɛ́wɔ 5:33

Ka minin bɔ, ka ǹ dia woe nɔ̀n diɛ ZAÃ la, mà a siérebaa ǹ boo mɛn pɛ ka nɛ masɛ wɔ gɔn la, mà taãn nɛ.