Zaã a sɛ́wɔ 3:21 - LAWA A BOO SONBORE

²¹ Sɛnɛ, bɛ̀ min mɛn tá sii sonbore zɛnɛɛ, bɛa dɛnaa n soe wɔlɔ fúlu li, màn mɛn bɛ́ toɛ, minin na a zɛnaa ǹ siin yɛ foaãnɛ.»

LAWA A BOO SONBORE 2011

²¹ Sɛnɛ, bɛ̀ min mɛn tá sii sonbore zɛnɛɛ, bɛa dɛnaa n soe wɔlɔ fúlu li, màn mɛn bɛ́ toɛ, minin na a zɛnaa ǹ siin yɛ foaãnɛ.»

Zaã a sɛ́wɔ 3:21 ပူးပေါင်းရင်းမြစ်များ

Loen 119:105

N da ǹ boo lɛ n bólon lɛa ma gòãn li, a n tɛ fúlu lɛa, maa zii la.

Loen 119:80

N dɔ ma lɛ, ma kɔ n foo sii boon kɛn lɛ, ka ma foo tumaa nɛ, màn mɛn bɛ́ toɛ, sìi baran ma kũ wa.

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Zaã a sɛ́wɔ 3:20

Sonbore ne, min mɛn bɛ́ sii baraa zɛnɛɛ, wɔlɔ fúlu a kɔɔ̃n bɛa dɛnaa ganaa wa, a soe wɔlɔ fúlu li, n na a sii baraan yaa kiɛ̃ boe kanaa wa.

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Galaasi minin 6:8

Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Zaã1 1:6

Bɛ̀ wɔ́ pɛ wáa wɔ n kaa-n kun ni, wɔ́ n tɔ we wɔlɔ tì dɔ li, wɔ ǹ soɛ boe ka wɔa boon ne, ka wɔa siin ni.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Sii-nyaan 3:15

Ma á n nya ǹ dí doɛ̃, n dí a nyantoto maa wɔ paǹ li wa, a wɛ̃-n dɔ-n wa. Man zoɛ̃ máa n dí goã nyantoto hinlaa wɛ̃ nɛ maa wɔ paǹ li.