Zaã a sɛ́wɔ 3:17 - LAWA A BOO SONBORE

¹⁷ Lawa bie a ná a Nɛgiĩ lɛ dia kanaa gɔ́ɔ̃ nɛ, mà a da kiri wɔ kanaa minin ganaa wa, sɛnɛ, a na á dia mà a da ǹ kirisibaa.

LAWA A BOO SONBORE 2011

¹⁷ Lawa bie a ná a Nɛgiĩ lɛ dia kanaa gɔ́ɔ̃ nɛ, mà a da kiri wɔ kanaa minin ganaa wa, sɛnɛ, a na á dia mà a da ǹ kirisibaa.

Zaã a sɛ́wɔ 3:17 ပူးပေါင်းရင်းမြစ်များ

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 18:11

Min mɛnɛn bɛ́ ǹ nə́ papaã ka sèren bɛ́ lɔn, Min a Nɛgiĩ na á daa ga bɛn lɛn ma li a tá ǹ kirisibiɛ.]

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Luku 9:56

Bɛ kio ǹ nə́ kiwi kɔsɔ zii kũ.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 10:36

Sɛnɛ, Lawa bɛ́ á masɛ mɛn bɔ, á ma dia kanaa kɛ gɔ́ɔ̃ nɛ, a n siɛ lɔn ka tá pii, mà masɛ n Lawa tɔ ziziɛ̃, a giala, mà man má pɛ mà man Lawa a Nɛgiĩ lɛa?

Zaã a sɛ́wɔ 11:42

Ma á doɛ̃ parsiini máa n tá ma lɛ sii biikoo tumaa waáraa. Sɛnɛ, zaman mɛn bɛ́ ma lɛnpɛnɛ, man má kɛ pɛ bɛn taman yii, màn mɛn bɛ́ toɛ, ǹ waa la mà n din ni n ma dia.»

Zaã a sɛ́wɔ 17:18

N masɛ dia kanaa gɔ́ɔ̃-n lɔn ke, masɛ n má ǹ dɔn dia kanaa gɔ́ɔ̃-n miɛ̃.

Zaã a sɛ́wɔ 17:21

Maa Díi, ǹ tumaa baa goon. Wɔsɛn bɛ́ goon lɔn ke, a toa ǹ dɔn nə goã goon ka wɔsɛn bɛ́ lɔn, màn mɛn bɛ́ toɛ, kanaa minin nə waa la, mà n din ni n masɛ dia.

Zaã a sɛ́wɔ 17:23

Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Zaã a sɛ́wɔ 17:25

Maa Díi pepere, kanaa minin ba doɛ̃ wa, sɛnɛ, masɛ á doɛ̃, kɛn lɛn dɔn tá doɛ̃, mà n din ni n masɛ dia.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 17:8

N boon mɛnɛn pɛ masɛ nɛ, man má bɛn lɛn pɛ ǹ nɛ, ǹ nə́ lɛ kɔ bɛa boon lɛn ganaa. Ǹ tá doɛ̃ taãn-taãnɛ, mà masɛ n má bɔ n din Lawa li, ǹ nə́ waa la dɔn, mà n din ni n má dia.

Zaã a sɛ́wɔ 20:21

Bɛ kio, Yezu wusoo á pɛ ǹ nɛ doo: «Là nyantoro die a giã ka li. Maa Díi Lawa bɛ́ á masɛ dia lɔn ke, masɛ dɔ n ka diɛ miɛ̃.»

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Zaã a sɛ́wɔ 5:36

«Sɛnɛ, masɛ a siérebaa ǹ sii kɔsɔ tan, bɛ n golee á la ZAÃ a siérebaa ǹ boo kɛ nɛ: Maa Díi nya ǹ dín mɛnɛn kɔ masɛ la má ǹ nya, bɛa dín kɛn lɛn masɛ tá ǹ nyɛɛ, bɛn lɛn man siére biɛ masɛ wɔ gɔn la, ǹ nə́ nyɛɛ mà masɛ a Díi na á ma dia.

Zaã a sɛ́wɔ 5:38

A boo din ba ka foo-n wa, a giala, a min mɛn lɛ dia, ka golee li wa.

Zaã a sɛ́wɔ 5:45

Ka nyan taasɛ ka masɛ n die ka biɛ koe maa Díi yɔrɔ-a wa. Ka bɛ́ waa-n Muizu mɛn la, bɛ lɛ n ka biɛ-kɔle lɛa.

Zaã a sɛ́wɔ 6:29

Yezu tɔ́n pɛ ǹ nɛ: «Lawa foo sii dí n ka kɛ nɛ, a min mɛn lɛ dia, ka golee bɛ lɛ li.»

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:57

Maa Díi mɛn n ma dia, a din lɛ n yiikoonaabaa koe, ma yii n koo ka bɛ lɛ barka nɛ, bɛ̀ min mɛn n masɛ sɔ̃, bɛa dɛnaa dɔ yii n goɛ̃ koo miɛ̃ ka masɛ barka nɛ.

Zaã a sɛ́wɔ 7:29

Sɛnɛ, masɛ á doɛ̃, a giala, man boe a din li, a din na á masɛ dia.»

Zaã a sɛ́wɔ 8:11

Lɔ lɛ tɔ́n pɛ, mà Dɛnaa ganaa, mà min kɔ́n. Yezu tɔ́n pɛ nɛ: «Masɛ dɔ a dɔlɔ boe n ganaa wa. Woo, sɛnɛ, n nyan toa n sii baraa zɛnaa doo wa.»]

Zaã a sɛ́wɔ 8:42

Yezu tɔ́n pɛ ǹ nɛ: «Bɛ̀ Lawa n kaa Díi lɛa sonbore, bɛ̀ ka á masɛ narɛ. A giala, masɛ n má bɔ Lawa li má daa. Ma bie má daa ma din gɔn wìi a lɛa wa, a din na á ma dia.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.