Zaã a sɛ́wɔ 3:15 - LAWA A BOO SONBORE

¹⁵ màn mɛn bɛ́ toɛ, bɛ̀ min mɛn golee li, bɛa dɛnaa nyin nyabaã yɛ.

LAWA A BOO SONBORE 2011

¹⁵ màn mɛn bɛ́ toɛ, bɛ̀ min mɛn golee li, bɛa dɛnaa nyin nyabaã yɛ.

Zaã a sɛ́wɔ 3:15 ပူးပေါင်းရင်းမြစ်များ

Izayii 11:10

Bɛa pinaa lɛ nɛ, Zesee tɔrɔ lɛ n die goɛ̃ ka zanzan bɛ́ lɔn kanaa a tɔrɔn tumaa yɔrɔ-a. Tɔrɔ tumaa á re die giɛ yiri li a li. A bɛ́ re gɛnɛɛ bǎã mɛn nɛ, gugurubaa n die tɛ pii walan.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Minin nimi 21:9

Muizu tɔ́n miɛ̃ nyín zɛnaa ka zan nɛ, á pɛnɛ bàlà sasa ganaa lon. Miɛ̃ goã min mɛn tumaa kuĩ, bɛ̀ ǹ mɛn nə́ n yii saa á ga miɛ̃ nyín lɛ ganaa, ǹ dɛnaa n liɛ.

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Nya ǹ dín 13:41

«Ka ga a ganaa, kasɛn min piɛ̃-bɔlen lɛn. Ka n kaãbaa ka papaã! A ka yii toa koo, man die dí goon nyɛɛ, bɛ̀ a nə n zɛnɛɛ ka kio, min ná a laakalɛɛ ka nɛ, bɛ̀ ka a golee li wa.»

Nya ǹ dín 8:36

Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Korɛnti2 4:3

Haalɛ ka bɛ yii ni, ma Boo Tii Kɔɔ̃n mɛn pɛ ka nɛ, bɛ̀ á tɔn tì, a n tì papaã wolen ganaa.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.