Zaã a sɛ́wɔ 21:15 - LAWA A BOO SONBORE

¹⁵ Ǹ bɛ́ ǹ nə́ màn bii ǹ nə́ nya, Yezu pɛ Piɛrɛ nɛ: «ZAÃ a nɛgiĩ Simɔn, n tá masɛ narɛ á la kɛn manɛ?» A ná a lɛ si: «Hiĩ, Dɛnaa, n din tá doɛ̃ mà ma tá n narɛ.» Yezu tɔ́n pɛ nɛ: «Ga maa sère nɛn lɛn walan.»

LAWA A BOO SONBORE 2011

¹⁵ Ǹ bɛ́ ǹ nə́ màn bii ǹ nə́ nya, Yezu pɛ Piɛrɛ nɛ: «Zaã a nɛgiĩ Simɔn, n tá masɛ narɛ á la kɛn manɛ?» A ná a lɛ si: «Hiĩ, Dɛnaa, n din tá doɛ̃ mà ma tá n narɛ.» Yezu tɔ́n pɛ nɛ: «Ga maa sère nɛn lɛn walan.»

Zaã a sɛ́wɔ 21:15 ပူးပေါင်းရင်းမြစ်များ

Siin Giala 33:13

Zakɔba ná a lɛ si kɛnɛn: «Gologiĩ, ń doɛ̃, nɛnyaanan lɛn pàã á kiɛɛrɛ. Ka bɛ dɔ nɛ, sère daanan laanka dii daanan tá ma lon, nɛnyaan bɔnboɛɛnɛn manə ǹ kio. Bɛ̀ wɔ tɔ wɔ ǹ nɛ, á re kiɛ̃ ǹ tɔ-wɔ lɛ dan la, ta pinin goon tɔ din ni, ǹ tumaa n giɛ̃.

Samayeli2 7:20

Dɛnaa Lawa, masɛ Davida n boe la ma wàa mɛn boo da n nɛ doo kəni, a giala, ma nə n dí-nyali lɛa, n din tá ma doɛ̃.

Kiin2 20:3

«Ee Dɛnaa Lawa, bǐɛ̃ kɔ n nə n yiri gisĩ ka ma nɛ. Má tɔ wɔ n yɔrɔ-a ka bɔlɔgoondɛnaabaa nɛ, ka gɔ́ɔ̃-fubaa nɛ. Ka bɛ dɔ nɛ, sii mɛn bɛ́ siĩni n yii li, má bɛ zɛnaa.» Yii mu gigiã soo Ezekiasi yɔrɔ nɛ.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Zeremii 23:4

Ma á re lɛduə̃li sonboren koɛ ǹ mìi la. Nyɛ́ɛ a re maa sèren lɛn kuĩ doo wa, ǹ nyin ba re soe doo wa, ǹ kɔn dɔ ba re nyaabiɛ duduu wa. Dɛnaa Lawa a da ǹ boo ne.

Zeremii 3:15

Lɛduə̃lin mɛnɛn bɛ́ ma dùũ lɛa, ma á re bɛn koe ka la. Ǹ tá re ka nyɛɛnaan boe ka yiridɛnaabaa laanka sii-doɛ̃ nɛ.»

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Ezekieli 46:24

Giĩ lɛ tɔ́n pɛ ma nɛ: «Kùsin manɛ. Lawa a kion lɛ a dí-nyalin man die zaman lɛ a wúlu mànan siĩ kɔrɛɛ walan.»

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 26:33

Piɛrɛ tɔ́n nə n lɛ da boo lɛ nɛ á pɛ nɛ: «Haalɛ ta ǹ tumaa baa si ǹ nə́ n daa, masɛ a baa sii ma n daa wa.»

Matiə 26:35

Piɛrɛ tɔ́n pɛ Yezu ni: «Haalɛ ta masɛ n giɛ̃ kunun n ni, masɛ a n piɛ̃ n nɛ duduu wa.» Kialandɛnaa gialakunun lɛn tumaa pɛ miɛ̃.

Marki 14:29

Piɛrɛ tɔ́n pɛ nɛ: «Haalɛ ta ǹ tumaa baa si ǹ nə́ n daa, masɛ bie wa!»

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Zaã a sɛ́wɔ 1:42

Á kũ á daa-n Yezu li. Yezu nə́ ǹ yiin doa Piɛrɛ la á pɛ: «ZAÃ a nɛgiĩ Simɔn lɛ n ka n din ni. N tɔ á die n bíi Sefasi (bɛ giala mà Kɔlɔ, ǹ tá boe la ǹ bíi dɔn mà Piɛrɛ).»

Zaã a sɛ́wɔ 13:37

Piɛrɛ tɔ́n pɛ nɛ: «Dɛnaa, wàa na á baa masɛ a boe la ma kɔ n kio lɛ sisia wa? Masɛ nə n nyin koe n lɛa dinin!»

Zaã a sɛ́wɔ 16:27

A giala, maa Díi dinmaa tá ka narɛ. A n ka narɛ a giala, ka dɔn tá masɛ narɛ, ka waa la dɔn, mà masɛ n má bɔ Lawa li má daa.

Zaã a sɛ́wɔ 21:12

Yezu tɔ́n pɛ ǹ nɛ mà ǹ da màn bii. Kialandɛnaa lɛ kɔ́n yii goã we á nɔ̀n diɛ la yiiwee: «Die n ka nsɛ nɛ» wa, a giala, ǹ nə́ goã doɛ̃ taãn-taãnɛ mà Dɛnaa din ni.

Zaã a sɛ́wɔ 21:7

Yezu bɛ́ kialandɛnaa mɛn lɛ narɛ, bɛ́ tɔ́n pɛ Piɛrɛ nɛ: «Dɛnaa nɛ!» Piɛrɛ bɛ́ á ma lɔn mà Dɛnaa nɛ, mɔnaa sasa mɛn goã a ganaa, á bɛ saa á wɔ, a ná a lɛ goa á kaa a bɔsɔn, (a giala, a na á goã á bɛa mɔnaa lɛ bɔ), bɛ kio, á n yii sã mu li.

Zaã a sɛ́wɔ 8:42

Yezu tɔ́n pɛ ǹ nɛ: «Bɛ̀ Lawa n kaa Díi lɛa sonbore, bɛ̀ ka á masɛ narɛ. A giala, masɛ n má bɔ Lawa li má daa. Ma bie má daa ma din gɔn wìi a lɛa wa, a din na á ma dia.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 20:29

Ma á doɛ̃, máa maa woo kio, minin tá re die, baraa ka don ginin bɛ́ lɔn, ǹ tá re we ka bii, ǹ Lawa a minin lɛn sasawaa.

Rɔmu minin 14:1

Min mɛn pàã bɛ́ kiɛɛrɛ golee Lawa li gɔ́ɔ̃ nɛ, ka lɛ kɔ a ganaa, ka baran liere kɔ a taasiɛn wɔ gɔn la wa.

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Korɛnti1 8:11

Nsɛ a yiridɛnaabaa lɛ là n ka wàa nɛ? N bɛ́ goleemali boɛɛndɛnaa lɛ diɛ papaã ganaa, a da yaa, Krita na á gã bɛa dɔɔ̃n kɛ lɛ dɔ a kirisibaa a lɛa.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Zaã1 4:19

Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.