Zaã a sɛ́wɔ 20:28 - LAWA A BOO SONBORE

²⁸ Toomaa tɔ́n pɛ nɛ: «Maa Dɛnaa! Maa Lawa!»

LAWA A BOO SONBORE 2011

²⁸ Toomaa tɔ́n pɛ nɛ: «Maa Dɛnaa! Maa Lawa!»

Zaã a sɛ́wɔ 20:28 ပူးပေါင်းရင်းမြစ်များ

Loen 45:11

N too kɔ, maa nɛniɛ! Ga, n nə n too kɔ doɛ̃: N yiri bɔ n bɔ n minin kio, n yiri bɔ n bɔ n dikion kio.

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 14:33

Yezu a kialandɛnan mɛnɛn bɛ́ goo lɛ gɔ́ɔ̃ nɛ, bɛn nə́ nɔmaa ǹ nə́ kaa tán-a Yezu giulun, ǹ nə́ pɛ: «Sonbore pɛ á pɛsã, ma n Lawa a Nɛgiĩ lɛa!»

Luku 24:52

Dia dí-a wolen lɛn nə́ kaa tán-a a giulun, bɛ kio, ǹ nə́ wusoo ǹ nə́ woo Zeruzalɛmu, ǹ foo n piɛ̃-n ka nyɛnyɛɛ nɛ.

Zaã a sɛ́wɔ 1:1

Lɛlɛ-lɛlɛ, Lawa laan bɛ̀ a n kanaa diɛ, bɛ̀ Boo tan. Bɛa Boo lɛ na á goã Lawa li, a na á goã Lawa lɛa.

Zaã a sɛ́wɔ 20:16

Yezu pɛ nɛ: «Mariya!» Á n bɔyaa á pɛ nɛ ka *Ebrəə bɔlɔ nɛ mà Raboni, bɛ giala mà Mìinaa.

Zaã a sɛ́wɔ 20:27

Bɛ kio, á tɔ́n pɛ Toomaa nɛ: «N gòon wɔ kànaa n ga ma gɔnɔn lɛn ganaa, n gɔn wɔ ma kolo lɛ dɔ nɛ n ga a ganaa. Goleemalibaã kɛ lɛ da, n goleemali wɔ!»

Zaã a sɛ́wɔ 20:29

Yezu tɔ́n pɛ nɛ: «N bɛ́ ń masɛ yɛ, bɛ lɛ bie ń tɔn waa la wa? Min mɛnɛn bɛ́ wɛɛ masɛ la, ǹ nə́ ǹ masɛ yɛ dɔn bɔrɔ wa, barka á re n diɛ bɛa dɛnan ganaa.»

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.