Zaã a sɛ́wɔ 19:28 - LAWA A BOO SONBORE

²⁸ Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

LAWA A BOO SONBORE 2011

²⁸ Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

Zaã a sɛ́wɔ 19:28 ပူးပေါင်းရင်းမြစ်များ

Loen 22:15

A n ka ma pàã yii na á mu baa, ma gù kòròn nə́ n bɔ kɔn lɛ. Ma foo yo ma gɔ́ɔ̃ nɛ ka nyɔɔ nɛ.

Loen 69:21

Sɔ ma foo ziziɛ̃, yǎa á busu baa ma ganaa. Man yii da, máa min kɔn tá re sii lɛ doɛ̃ ma la, sɛnɛ, màn kɔn. Man yii da ma foo-taãli la, sɛnɛ, ma min yɛ wa.

Luku 12:50

A n fuu kɔ́n tɔrɔ lɛa masɛ á die yii, a n guĩ lɛa masɛ mìi ni, yǎa a zɛnaa doe!

Luku 18:31

Yezu kialandɛnaa fulupaa lɛ bíi a din li, á pɛ ǹ nɛ ǹ gɔrɔn: «Á ke, wɔ n woe Zeruzalɛmu. Lawa a boo gii-dalin nə màn mɛn yii da Min a Nɛgiĩ wɔ gɔn la, bɛ n die n zɛnɛɛ.

Luku 22:37

A giala, masɛ n pii ka nɛ, Lawa a boo bɛ́ màn mɛn pii, yǎa bɛ lɛ piɛ̃ masɛ ganaa: «Ǹ nə́ da kun ka basaã-kɔlen ne.» Sonbore dɔ nɛ, màn mɛn bɛ́ á n pɛ masɛ wɔ gɔn la, bɛ n die n zɛnɛɛ a lɛ pã.

Luku 9:31

ǹ nə́ golee a li ka Lawa a siĩnbaa nɛ. Maǹ nə́ goã boo diɛ ka Yezu ni a din wɔ gɔn la, a bɛ́ re giɛ̃ lɔn Zeruzalɛmu kiwi, a kɔnpɛ ka Lawa din a sii yɔrɔ boe kɛ nɛ.

Zaã a sɛ́wɔ 13:1

*Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 17:4

Man tɔ guguru kɔ tán la, n dí mɛn kɔ ma la, má bɛ nya á nya.

Zaã a sɛ́wɔ 18:4

Sii mɛn tumaa bɛ́ re Yezu yii a bɛ́ a yii doɛ̃, á nɔmaa á woo n da ǹ lɛ á pɛ ǹ nɛ: «Ka ǹ giɛ die li?»

Zaã a sɛ́wɔ 19:24

Sɔraasin lɛn nə́ tɔ́n pɛ kɔn nɛ mà a ba siĩni ǹsɛn nə toɛ̃ wa. Mà á soɛ ǹsɛn nə n pã a ganaa, bɛ̀ á re doe min mɛn ganaa ǹsɛn nə bɛa dɛnaa dɔ̃. Lawa a boo màn mɛn pɛ, a na á n zɛnaa á kaa bɛ lɛ lɛ: «Ǹ nə́ maa mɔnaan gii kɔn, maa dɔnkɛ sasa ke, ǹ nə́ n pã bɛ ganaa.» Sɔraasin lɛn nə màn mɛn zɛnaa, a din lɛ n ke.

Zaã a sɛ́wɔ 19:30

Yezu bɛa duvɛ̃ pipiã lɛ mi lɔn, á pɛ: «A tumaa lɛ pã kəni!» Bɛ kio á n mìi kuməə, a piɛ̃ nya.

Zaã a sɛ́wɔ 19:36

Sonbore ne, kɛ din tumaa na á n zɛnaa màn mɛn bɛ́ toɛ, Lawa a boo lɛ pã: «A wen lɛn kɔ́n ba re yiɛ wa.»

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Nya ǹ dín 13:29

Màn mɛn tumaa bɛ́ kiɛ̃ nɛ a wɔ gɔn la, biikoo mɛn waáraa ǹ nə́ bɛ yii zɛnaa ǹ ná a lɛ pã, ǹ nə́ gisĩ ǹ nə́ bɔ gɔn-a, ǹ ná a gere da yala-n.