Zaã a sɛ́wɔ 19:15 - LAWA A BOO SONBORE

¹⁵ Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

LAWA A BOO SONBORE 2011

¹⁵ Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

Zaã a sɛ́wɔ 19:15 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Matiə 22:17

Á siĩni wɔ nyin giɔ̀mɔ saraa Rɔmun kii gole gole la hinlaa wɔ baran saraa la wa? N taasiɛ pɛ wɔsɛn manɛ bɛ wɔ paǹ li.»

Luku 23:18

Zaman lɛ nə́ n lɛ dɛ kun mà a dɛ a gã, a Barabaasi da.

Zaã a sɛ́wɔ 18:31

Pilati tɔ́n pɛ ǹ nɛ mà ǹ dininmaan nə kũ ǹ kiri kuru la a kɔnpɛ ka ǹ dinin landa nɛ. Zuifun lɛn mà Pilati ganaa mà ǹsɛn bɛ́ pàã mɛn giulun, mà a kɔnpɛ ka bɛ nɛ, mà ǹsɛn doamaa bie ǹ gɛ̀ dɛ wa.

Zaã a sɛ́wɔ 19:6

Sɛnɛ, wúlu-bɔlen goledɛnan lɛn laanka garadin lɛn nə yɛ lɔn, ǹ nə́ kaa lɛ-dɛ nɛ ǹ nə́ pii: «A dere gɔn ganaa! A dere gɔn ganaa!» Pilati tɔ́n pɛ ǹ nɛ mà ǹ dininmaan nə kũ ǹ dere gɔn ganaa. Mà asɛ zɛ̀rɛbaa ǹ sii yɛ a wɔ paǹ li sɛn wa.

Nya ǹ dín 13:28

Ǹ zɛ̀rɛ sii kɔ́n yɛ a ganaa màn mɛn nə́ gɛ̀ boe wa, sɛnɛ, ǹ ná a nyankɔ kii Pilati lon mà a dɛ a gã.

Nya ǹ dín 21:36

Minbuiin lɛ tumaa na á goã koe a kio lɛ, bɛ̀ ǹ tá n lɛ dii: «Ka dɛ a gã.»

Nya ǹ dín 22:22

Zaman lɛ nə́ n too kɔ Pooli lon, á daa dɔ bɛa boon kɛn ganaa. Ǹ nə́ tɔ́n yoo kəni, ǹ tá n lɛ dii: «Ka kɛa minbuiin kɛ tɔrɔ dɛ ka bɔ kanaa. A doamaa bie a yii goã koo wa.»