Zaã a sɛ́wɔ 15:7 - LAWA A BOO SONBORE

⁷ Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

LAWA A BOO SONBORE 2011

⁷ Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Zaã a sɛ́wɔ 15:7 ပူးပေါင်းရင်းမြစ်များ

Kiin1 3:5

Gabawɔ̃ lɛ nɛ, Dɛnaa Lawa nə́ n din nyaa Salomɔn nɛ ka narɛɛ nɛ tèlò-n. Lawa pɛ nɛ: «Ma n giɛ li ma wàa n màn kɔ n la?»

Zɔbu 22:26

Bɛa biikoo li, n tá re n nyɛnyɛɛ Pàãyiidɛnaa lɛ a sii ganaa, n tá re n yɔrɔ diɛ Lawa la, n foo n doa nɛ a ganaa.

Zɔbu 23:12

A lɛ gɔ́ɔ̃ ǹ boo ke, ma talaa má n bɔ bɛ la wa. A din a dí-pɛn kɛn, má bɛn sii zɛnaa á la ma din foo sii ni.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 37:4

Toa Dɛnaa Lawa goã n foo dùũ sii lɛa, n bɛ́ giɛ màn mɛn li, á re bɛ koe n la.

Suusun 10:24

Sii baraa-zɛnaali bɛ́ nyɛ́ɛ biɛ sii mɛn nɛ, bɛ lɛ n die yii. Sɛnɛ, sii sonbore-zɛnaali bɛ́ zoɛ̃ màn mɛn li, Dɛnaa Lawa n bɛ koe la.

Suusun 4:4

Maa díi na á goã ma doree á n pii ma nɛ: «N yiri koa maa boon kɛn li parsiini, n yii tá re goɛ̃ koo.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Matiə 7:7

Ka màn nyankɔ, Lawa á re màn koe ka la. Ka ga màn li, ka á re màn yii. Ka kiɛnlɛ dɛ, ǹ tá re kiɛnlɛ buĩ ka nɛ.

Zaã a sɛ́wɔ 14:13

Bɛa biikoo li, ka bɛ́ re màn woo màn nyankoe ka masɛ tɔ nɛ, ma á die bɛ koe ka la, màn mɛn bɛ́ toɛ, ma maa Díi a gugurubaa nyaa.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 16:23

«Bɛ̀ bɛa pinaa dɔ, ka a re nɔ̀n diɛ masɛ la ka sii kɔ́n nɛ doo wa. Man taãn pii ka nɛ: Bɛ̀ ka màn mɛn nyankɔ maa Díi lon ka masɛ tɔ nɛ, á re bɛ koe ka la.

Zaã a sɛ́wɔ 8:31

Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

Zaã a sɛ́wɔ 8:37

Ka n Abrahamu tɔrɔn lɛa, ma á bɛ doɛ̃. Sɛnɛ, ka n giɛ li ka tá masɛ dii, a giala, maa boo lɛ na a ba ka foo sii wa.

Galaasi minin 4:2

A saa a tenmaa ganaa, a n goɛ̃ a tooli laanka a sii yɔrɔ-bɔlen wɔ gɔ́ɔ̃ nɛ, ǹ di biikoo mɛn pɛ, yǎa bɛ doe.

Galaasi minin 5:16

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Timəə dí-pɛn 6:6

Ma bɛ́ n gɔn wɛɛ ka nɛ ka boon mɛnɛn nɛ pelo, ka toa bɛn nə goã ka yiri ni.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Zaã1 2:14

Nɛnyaanan lɛn, man sɛ́wɔ kɛ diɛ ka la, a giala, ka á Díi Lawa lɛ doɛ̃. Díin lɛn, man sɛ́wɔ kɛ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ kɛ diɛ ka la, a giala, ka á kaka, Lawa a boo tá ka gɔ́ɔ̃ nɛ, ká boo Min Baraa dɔ la.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Zaã1 3:22

Wɔ bɛ́ màn mɛn nyankoe la, wɔ n bɛ yii. A giala, mà wɔ tá a dí-pɛn lɛ sii, wɔ ná a foo kɔɔ̃n kɔ ǹ sii zɛnɛɛ.

Zaã1 5:14

Wɔ á doɛ̃, wáa bɛ̀ wɔ màn mɛn nyankɔ la, á n woe a din foo sii li, á re n too koe wɔ lon. Bɛ lɛ n toɛ, foo-doa gole tá wɔ lon Lawa yɔrɔ-a.