Zaã a sɛ́wɔ 15:20 - LAWA A BOO SONBORE

²⁰ Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

LAWA A BOO SONBORE 2011

²⁰ Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Zaã a sɛ́wɔ 15:20 ပူးပေါင်းရင်းမြစ်များ

Ezekieli 3:7

Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Matiə 10:24

Kialandɛnaa ba boe la á liɛ a daraali-n wa, dí-nyali ba liɛ a mìinaa-n wa.

Marki 10:39

Ǹ ná a lɛ si mà ǹsɛn tá boe la. Yezu tɔ́n pɛ ǹ nɛ: «Ma bɛ́ re là-paparɛɛ laanka nɔmaa mɛn yii, ka dɔn tá re bɛ lɛ yii sɛn.

Luku 2:34

Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Luku 6:40

Á suusu kɛ dɔ da: «Kialandɛnaa ba boe la a la a daraali-n wa, sɛnɛ, kialandɛnaa mɛn bɛ́ ǹ nə́ daraa sɔnbɔraanɛ, bɛ n die goɛ̃ ka a daraali bɛ́ lɔn.»

Zaã a sɛ́wɔ 10:31

Zuifun nə́ wusoo ǹ nə́ kɔlɔn goa doo, mà ǹsɛn man dii ni.

Zaã a sɛ́wɔ 11:57

Wúlu-bɔlen goledɛnan laanka Fariziɛ̃n man nə́ pɛ ǹ nə́ laa, mà bɛ̀ min mɛn nə́ Yezu bǎã dɔ̃, mà ǹ dɛnaa da a giala pɛ ǹsɛn manɛ, màn mɛn bɛ́ toɛ, ǹsɛn nə wo kũ.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Zaã a sɛ́wɔ 5:16

A kũ bɛ lɛ ganaa, maǹ nə́ goã Yezu gialaa, a giala, a na á bɛa sii kɛ lɛ zɛnaa susu ǹ pii pinaa.

Zaã a sɛ́wɔ 7:32

Minin bɛ́ ǹ nə́ goã boo zuzuũ mɛn diɛ Yezu wɔ gɔn la zaman lɛ bii, bɛ kaa *Fariziɛ̃n too ne. Bɛ lɛ nɛ, wúlu-bɔlen goledɛnan laanka Fariziɛ̃n nə́ garadin dia mà ǹ wo kũ.

Zaã a sɛ́wɔ 8:51

Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

Zaã a sɛ́wɔ 8:52

Zuifun nə́ tɔ́n pɛ nɛ: «Sisia kəni, wɔ́ dɔ̃ wáa mànan manə n ganaa! Abrahamu gã, Lawa a boo gii-dalin dɔn nə́ gã, nsɛ dɔ nə́ n daa ń tá pii mà bɛ̀ min mɛn nə́ nsɛ a boo si, mà bɛa dɛnaa a giɛ̃ duduu wa.

Zaã a sɛ́wɔ 8:59

Bɛa boo lɛ taman yii, ǹ nə́ kɔlɔn goa mà maǹ Yezu dii ni. Sɛnɛ, á n duru á soo á n bɔ Lawa a kion.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Korɛnti1 4:12

Wɔ dinin man dí nyɛɛ wɔ nɔmaa, wɔ tɔn màn-bii yɛ. Bɛ̀ ǹ tá sɔ koe wɔ ganaa, wɔ ǹ barka diɛ ǹ ganaa. Bɛ̀ ǹ tá boe wɔ yii ni, wɔ n sii wɔ ganaa.

Korɛnti2 4:9

maǹ boe ma yii ni, sɛnɛ, Lawa ba n boe ma li wa; maǹ ma zuĩ tán, sɛnɛ, ma a ziziɛ̃ wa.

Tesaloniki1 2:15

ǹsɛn Zuifun kɛn lɛn, maǹ nə́ wɔa Dɛnaa Yezu laanka Lawa a boo gii-dalin dɛ ǹ nə́ gã. Ǹ dinin lɛn man nə́ fuu nyaa wɔ dɔn manɛ. Ǹ sii a kɔɔ̃n Lawa ganaa wa! Maǹ min tumaa a zɔ́ɔn lɛa!

Timote2 3:12

Min mɛnɛn tumaa bɛ́ li dinin, ǹ nyɛ́ɛ baa Lawa nɛ, ǹ kɔ Yezu *Krita lɛ, bɛn tumaa á re fuu yii.

Samayeli1 8:7

Dɛnaa Lawa pɛ Samayeli ni: «Zaman lɛ bɛ́ re boo mɛn din tumaa diɛ, n too kɔ a ganaa, a giala, nsɛ Samayeli bie ǹ tá n piɛ̃-n wa, masɛ din ni. Ǹ ba li masɛ goã ǹ mìi la doo wa.