Zaã a sɛ́wɔ 15:15 - LAWA A BOO SONBORE

¹⁵ Ma ba ka bíi máa maa dí-nyalin doo wa, a giala, dí-nyali ba a dɛnaagiĩ a nya ǹ dí doɛ̃ wa. Má ka bíi giaáran, a giala, ma màn mɛn tumaa ma maa Díi li, má a tumaa nyaa ka nɛ.

LAWA A BOO SONBORE 2011

¹⁵ Ma ba ka bíi máa maa dí-nyalin doo wa, a giala, dí-nyali ba a dɛnaagiĩ a nya ǹ dí doɛ̃ wa. Má ka bíi giaáran, a giala, ma màn mɛn tumaa ma maa Díi li, má a tumaa nyaa ka nɛ.

Zaã a sɛ́wɔ 15:15 ပူးပေါင်းရင်းမြစ်များ

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Suusun 18:24

Giaára gigiã á boe la ǹ bɔ̀n da min ganaa. Sɛnɛ, giaára sonbore la dɔɔ̃n nɛ.

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Luku 10:23

Bɛ kio, Yezu nə́ n bɔyaa á pɛ a kialandɛnaa lɛn manɛ ǹ gɔrɔn: «Kasɛn wɔ n ka foo kɔɔ̃n nɛ, kasɛn mɛnɛn bɛ́ ka yii goã koo á daa kaa siin kɛn zɛnaa lɛ.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Zaã a sɛ́wɔ 15:20

Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Zaã a sɛ́wɔ 16:12

Màn gigiã tá tɔn a tan man die pii ka nɛ, sɛnɛ, ǹ tá guguru ka ganaa, ka a boe la ka a giala ma sisia wa.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 4:19

Lɔ lɛ tɔ́n pɛ Yezu ni: «Dɛnaa, masɛ yii tá-a, máa ma n Lawa a boo gii-dali lɛa.

Zaã a sɛ́wɔ 8:26

Ka dinin wɔ paǹ li, boo gigiã tá masɛ lɛ-n ma pɛ ka nɛ, ma kiri dɔ wɔ ka ganaa sii gigiã a lɛa. Sɛnɛ, min mɛn masɛ dia, sonbore-pɛle ne. Ma boo mɛn ma a li, man bɛ lɛ pii kanaa minbuiinin manɛ.»

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Rɔmu minin 7:15

Sonbore, wɔ á màn mɛn zɛnɛɛ, wɔ a bɛ giala miɛ wa. Wɔ bɛ́ giɛ li wɔ màn mɛn zɛnaa, wɔ a bɛ zɛnɛɛ wa. Sɛnɛ, màn mɛn tìĩ bɛ́ boe-n wɔ nyin ni ke, wɔ ǹ bɛ zɛnɛɛ.

Korɛnti1 2:16

A n ka Lawa a sɛ́wɔ bɛ́ á pɛ lɔn: «Die n boe la a Dɛnaa a taasiɛ dɔ̃? Die n boe la a yiri kɔ la?» Sɛnɛ, Krita a taasiɛ tá wɔsɛn lon.

Galaasi minin 4:6

Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Efɛɛzi minin 3:5

Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.

Kolɔɔsi minin 1:26

Bɛ na á goã sii-durii lɛa, á n kuməə-n haalɛ lɛlɛ-lɛlɛ, sɛnɛ, Lawa din na á bɛ nyaa kanna, a din a minin kɛn manɛ.

Filemɔn 1:16

A bie re goɛ̃ bɛ̀rɛ kooro lɛa doo wa, sɛnɛ, á re goɛ̃ màn mɛn lɛa sisia n gɔn, bɛ la bɛ̀rɛ-n pasapasa, n dɔɔ̃n nɛ, ka n kɔn narɛ. A n bɛa dɔɔ̃n kɛ lɛ lɛa masɛ gɔn taãn-taãnɛ. Ma á doɛ̃ máa a n die goɛ̃ bɛ lɛ lɛa n dɔ gɔn, n wɔ din tá re liɛ masɛ wɔ nɛ, a giala n tá re kuĩ minbuiin nɛ lɛa, n tá re kuĩ Lawa-nyankɔle dɔ lɛa.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Zaaki 2:23

Ká Lawa a boo bɛ́ á pɛ lɔn: «Abrahamu nə́ n foo doa Lawa ganaa. Bɛ lɛ na á toa Lawa kũ min pepere lɛa», á bíi mà a din a giaára.

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ ZAÃ la, mà a bɛn nyaa nɛ.