Zaã a sɛ́wɔ 15:11 - LAWA A BOO SONBORE

¹¹ Man má bɛ pɛ ka nɛ, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ goã ka dɔn lon, kaa nyɛnyɛɛ lɛ pã.

LAWA A BOO SONBORE 2011

¹¹ Man má bɛ pɛ ka nɛ, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ goã ka dɔn lon, kaa nyɛnyɛɛ lɛ pã.

Zaã a sɛ́wɔ 15:11 ပူးပေါင်းရင်းမြစ်များ

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Luku 15:23

Ka da ka diin nɛ kurunkurun kɛ nɛ, ka dɛ, wɔ màn bii kun ka nyɛnyɛɛ nɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Luku 15:5

Bɛ̀ á bɛa goon kɛ lɛ yɛ, a n siɛ a da a kɔrɔn a foo n kɔɔ̃nɛ.

Luku 15:9

Bɛ̀ á yɛ, a na a giaáran lɛ soekɔn ka ǹ miãkɛnɛn nɛ, a pɛ ǹ nɛ mà ǹ nə nyɛnyɛɛ kun asɛ nɛ, a giala mà asɛ a wɔrɔ we mɛn bɛ́ á papaã, mà asɛ wusoo á yɛ!

Zaã a sɛ́wɔ 16:24

Haalɛ tɔn pelo, ka tɔn màn kɔ́n nyankɔ ka masɛ tɔ-n wa: Ka nyankɔ wɔ, ka á re màn yii, màn mɛn bɛ́ toɛ, kaa nyɛnyɛɛ lɛ pã.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Zaã a sɛ́wɔ 17:13

«Sisia, man woe n din li. Ma bɛ́ kanaa bɔrɔ, man boon kɛn pii ǹ ni, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ lɛ-piɛ̃ yɛ ǹ dɔn lon.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Korɛnti2 1:24

Goleemali wɔ paǹ li, wɔ ba li wáa wɔ sii kɔ́n da ka mìi-n wa. A giala, mà ka gòã doa parsiini goleemali gɔ́ɔ̃ nɛ. Sɛnɛ, wɔ ǹ taasɛ wáa wɔ dí nya kun ka nɛ kaa yii-nyɛɛ a lɛa.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Filipi minin 1:25

Ma á waa-n la sɛn máa ma á re goɛ̃. Ma á doɛ̃ máa ma á re goɛ̃ kun ka tumaa nɛ, man dɔ ka lɛ, ka wo nyɛɛn ka foo kɔɔ̃n nɛ goleemali gɔ́ɔ̃ nɛ.

Tesaloniki1 5:16

Ka n nyɛnyɛɛ biikoo tumaa li.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Zaã1 1:4

Wɔ ǹ bɛ kiɛ̃ diɛ ka la, ń giɛ wɔa nyɛnyaa lɛ á piɛ̃.

Zaã2 1:12

Boo gigiã tá ma li, má n zoɛ̃ máa ma ǹ pɛ ka nɛ, sɛnɛ, ma ba li ma kiɛ̃ sɛ́wɔ-n ma dia ka la wa. Man zoɛ̃ máa ma da kaa piɛ, ma din pɛ ka nɛ ka ma lɛ nɛ, màn mɛn bɛ́ toɛ, wɔa foo kɔɔ̃n kɔ lɛ pã.